കെ എസ്സ് ടി പി റോഡിൽ ചെറുകുന്ന് വെള്ളറങ്ങലിൽപെട്രോൾ ടാങ്കർ ലോറിയും ചരക്ക് ലോറിയും കൂട്ടിയിടിച്ച് അപകടം. ടാങ്കർ ലോറി ഡ്രൈവർക്ക് പരുക്ക്. രാത്രി10 മണിയോടെയാണ് അപകടം നടന്നത്. 10:50 ഓടെ ഫയർഫോഴ്സും നാട്ടുകാരും ചേർന്ന് ഡ്രൈവറെ രക്ഷപ്പെടുത്തി പരിയാരത്തെ ഗവ: മെഡിക്കൽ കോളേജിൽ പ്രവേശിപ്പിച്ചു.
കണ്ണൂർ ഭാഗത്തേക്ക് പോവുകയായിരുന്ന ടാങ്കർ ലോറിയും പഴയങ്ങാടി ഭാഗത്തേക്ക് സിമന്റ് കയറ്റി പോവുകയായിരുന്ന തമഴ്നാട് രജിസ്ടേഷൻ ചരക്ക് ലോറിയും കൂട്ടിയിടിച്ചാണ് അപകടം നടന്നത്.കണ്ണപുരം പോലീസും , പയ്യന്നൂരിൽ നിന്നും കണ്ണൂരിൽ നിന്നും ഫയർഫോഴ്സും സ്ഥലത്ത് എത്തി. ഒരു മണിക്കൂർ നേരത്തെ ശ്രമഫലമായാണ് അപകടത്തിൽപ്പെട്ട ടാങ്കർ ലോറിയിൽ നിന്നും ഡ്രൈവറെ പുറത്തെടുത്തത്.
ഇദ്ദേഹത്തിന്റെ കാലിനും കൈക്കും പരിക്കേറ്റു. ക്യാബിൻ വെട്ടിപ്പൊളിച്ചാണ് ഡ്രൈവറെ പുറത്തെടുത്തത്. അപകടത്തെ തുടന്ന് പിലാത്തറ - പാപ്പിനിശ്ശേരി റൂട്ടിൽ മണിക്കൂറുകളോളം ഗതാഗതം തടസ്സപ്പെട്ടു. രാത്രി ഏറെ വൈകി ക്രയിൻ ഉപയോഗിച്ച് അപകടത്തിൽപ്പെട്ട ലോറി അപകട സ്ഥലത്ത് നിന്ന് മാറ്റി ഗതാഗതം പുനസ്ഥാപിച്ചു.
petrol tanker lorry and a cargo lorry collided