പഴയങ്ങാടി: നൂറുകണക്കിന് വാഹനങ്ങൾ കടന്ന് പോകുന്ന താവം പഴയങ്ങാടി മേൽപ്പാലത്തിലെ കുഴികളുടെ എണ്ണം കൂടിവരികയാണ്.റോഡിലെ വലിയ കുഴികളിൽ വീണ് വാഹന യാത്രക്കാർ അപകടത്തി പെടുന്നത് പതിവായി. ശക്തമായ മഴ കൂടി പെയ്തതോടെ ഞായറാഴ്ച പത്തോളം വാഹനങ്ങളാണ് അപകടത്തിൽപ്പെട്ടത്. ഓട്ടോറിക്ഷകളും ഇരുചക്ര വാഹനങ്ങളുമാണ് അപകടത്തിൽപ്പെടുന്നത്. ഞായറാഴ്ച അപടത്തിൽ പെട്ട പള്ളിക്കര സ്വദേശിയുടെ ഓട്ടോറിയയുടെ ടയർ പഞ്ചറായി. അപകടങ്ങൾ കണ്ടുമടുത്ത നാട്ടുകാർ ഒടുവിൽ കുഴിയടക്കാൻ രംഗത്ത് ഇറങ്ങി.
കനത്ത മഴയെ വകവെക്കാതെയാണ് നാട്ടുകൾ കുഴി അടക്കാൻ രംഗത്ത് ഇറങ്ങിയത്. ടി സജീവൻ , ബസ്സ് ഡ്രൈവർ സി കെ രതീഷ് , ഇ രാജീവൻ എന്നിവർ നേതൃത്വം നൽകി.
പാലത്തിലെ കുഴിയടക്കാൻ അടിയന്തിര നടപടി വേണമെന്ന് നാട്ടുകാർ ആവശ്യപ്പെടുന്നു.
Road collapse
.jpg)
