---
title: "അറിവിൻ്റെ വാതായനങ്ങൾ തുറന്ന് തളിപ്പറമ്പ് നോർത്ത് ബി ആർ സി യിൽ 100 വീട്ടുമുറ്റ വായനാ സദസ്സുകൾ"
english_title: "thalipparamb north brc"
publisher: "thaliparambanews.in"
canonical_url: "https://thaliparamba.truevisionnews.com/news/105729/thalipparamb-north-brc"
published_at: "2023-03-28T13:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/642298709df06_acci.jfif"
keywords: []
---

# അറിവിൻ്റെ വാതായനങ്ങൾ തുറന്ന് തളിപ്പറമ്പ് നോർത്ത് ബി ആർ സി യിൽ 100 വീട്ടുമുറ്റ വായനാ സദസ്സുകൾ

> **Lead Summary:** **തളിപ്പറമ്പ്: ** വിദ്യാർത്ഥികളിലും രക്ഷിതാക്കളിലും സ്വതന്ത്ര വായനയും രചനയും പരിപോഷിപ്പിക്കാൻ സമഗ്ര ശിക്ഷാ കേരളം സംഘടിപ്പിച്ച വായനച്ചങ്ങാത്തം വീട്ടുമുറ്റ വായനസദസ്സ് തളിപ്പറമ്പ് നോർത്ത് ബി ആർ സി യിൽ 100 സദസ്സുകൾ പൂർത്തിയാക്കി. കോവിഡ് കാലത്തെ ഓൺലൈൻ പഠനത്തിന് ശേഷം കുട്ടികളുടെ പഠന അഭിരുചികളിലടക്കം മാറ്റം വന്നിട്ടുണ്ട് . കൃത്യമായ വായനയും പഠനവും നടക്കാത്ത സാഹചര്യത്തിലും മൊ ബൈൽ അടക്കമുള്ളവയുടെ ഉപയോഗം കുട്ടികളിൽ വർധിക്കുകയും ചെയ്ത സാഹചര്യത്തിലാണ് ഇത്തരം നടപടികളുമായി പൊതുവിദ്യാഭ്യാസ വകുപ്പ് മുന്നോട്ട് വന്നത്.വായനച്ചങ്ങാത്തത്തിൽ കുട്ടികൾക്കും രക്ഷിതാക്കൾക്കും രചനാ വെെഭവം തുറന്നു കാട്ടുന്നതിനുള്ള വേദിയൊരുക്കി. കഥാ-കവിതാ രചനകൾ, ആസ്വാദനക്കുറിപ്പ് തുടങ്ങി എഴുത്തുകളെ പരിപോഷിക്കുന്ന തരത്തിലുള്ള പ്രവർത്തനങ്ങളും നടന്നു. തളിപ്പറമ്പ് നോർത്ത് ഉപജില്ലയിലെ 100 വിദ്യാലങ്ങളിൽ വായന ചങ്ങാത്തം പൂർത്തിയാക്കി. ഓരോ സ്കൂളിലെയും തെരഞ്ഞെടുത്ത വിദ്യാർത്ഥികളുടെ വീട്ടുമുറ്റത്താണ് വായന സദസ്സുകൾ സംഘടിപ്പിച്ചത്. നൂറാമത് വീട്ടുമുറ്റ വായന സദസ്സ് പനക്കാട് ഗവണ്‍മെന്റ് എൽ.പി സ്കൂളിലെ കെ.സി ഇഷാനിയുടെ വീട്ടുമുറ്റത്ത് സംഘടിപ്പിച്ചു. കുറുമാത്തൂർ ഗ്രാമപഞ്ചായത്ത് പ്രസിഡന്റ് വി.എം സീന ഉദ്ഘാടനം ചെയ്തു. കണ്ണൂർ എസ്.എസ്.കെ പ്രോഗ്രാം ഓഫീസർ രാജേഷ് കടന്നപ്പള്ളി മുഖ്യ പ്രഭാഷണം നടത്തി. ബി.ആർ.സി ട്രെയിനർ കെ.ബിജേഷ്, പ്രധാനാധ്യാപിക ആശാലത, നാടൻപാട്ട് കലാകാരനും ജില്ലാ സാംസ്കാരിക വകുപ്പ് കോർഡിനേറ്ററുമായ മിനേഷ് മണക്കാട് എന്നിവർ സംസാരിച്ചു.

## Article Content

**തളിപ്പറമ്പ്: ** വിദ്യാർത്ഥികളിലും രക്ഷിതാക്കളിലും സ്വതന്ത്ര വായനയും രചനയും പരിപോഷിപ്പിക്കാൻ സമഗ്ര ശിക്ഷാ കേരളം സംഘടിപ്പിച്ച വായനച്ചങ്ങാത്തം വീട്ടുമുറ്റ വായനസദസ്സ് തളിപ്പറമ്പ് നോർത്ത് ബി ആർ സി യിൽ 100 സദസ്സുകൾ പൂർത്തിയാക്കി. കോവിഡ് കാലത്തെ ഓൺലൈൻ പഠനത്തിന് ശേഷം കുട്ടികളുടെ പഠന അഭിരുചികളിലടക്കം മാറ്റം വന്നിട്ടുണ്ട് . കൃത്യമായ വായനയും പഠനവും നടക്കാത്ത സാഹചര്യത്തിലും മൊ ബൈൽ അടക്കമുള്ളവയുടെ ഉപയോഗം കുട്ടികളിൽ വർധിക്കുകയും ചെയ്ത സാഹചര്യത്തിലാണ് ഇത്തരം നടപടികളുമായി പൊതുവിദ്യാഭ്യാസ വകുപ്പ് മുന്നോട്ട് വന്നത്.വായനച്ചങ്ങാത്തത്തിൽ കുട്ടികൾക്കും രക്ഷിതാക്കൾക്കും രചനാ വെെഭവം തുറന്നു കാട്ടുന്നതിനുള്ള വേദിയൊരുക്കി. കഥാ-കവിതാ രചനകൾ, ആസ്വാദനക്കുറിപ്പ് തുടങ്ങി എഴുത്തുകളെ പരിപോഷിക്കുന്ന തരത്തിലുള്ള പ്രവർത്തനങ്ങളും നടന്നു. തളിപ്പറമ്പ് നോർത്ത് ഉപജില്ലയിലെ 100 വിദ്യാലങ്ങളിൽ വായന ചങ്ങാത്തം പൂർത്തിയാക്കി. ഓരോ സ്കൂളിലെയും തെരഞ്ഞെടുത്ത വിദ്യാർത്ഥികളുടെ വീട്ടുമുറ്റത്താണ് വായന സദസ്സുകൾ സംഘടിപ്പിച്ചത്. നൂറാമത് വീട്ടുമുറ്റ വായന സദസ്സ് പനക്കാട് ഗവണ്‍മെന്റ് എൽ.പി സ്കൂളിലെ കെ.സി ഇഷാനിയുടെ വീട്ടുമുറ്റത്ത് സംഘടിപ്പിച്ചു. കുറുമാത്തൂർ ഗ്രാമപഞ്ചായത്ത് പ്രസിഡന്റ് വി.എം സീന ഉദ്ഘാടനം ചെയ്തു. കണ്ണൂർ എസ്.എസ്.കെ പ്രോഗ്രാം ഓഫീസർ രാജേഷ് കടന്നപ്പള്ളി മുഖ്യ പ്രഭാഷണം നടത്തി. ബി.ആർ.സി ട്രെയിനർ കെ.ബിജേഷ്, പ്രധാനാധ്യാപിക ആശാലത, നാടൻപാട്ട് കലാകാരനും ജില്ലാ സാംസ്കാരിക വകുപ്പ് കോർഡിനേറ്ററുമായ മിനേഷ് മണക്കാട് എന്നിവർ സംസാരിച്ചു.

### Related Links & Sources
- [Original Story Source](https://thaliparamba.truevisionnews.com/news/105729/thalipparamb-north-brc)