---
title: "ആന്തൂർ നഗരസഭ 2022 -23 വാർഷിക പദ്ധതി തയ്യാറാക്കാനുള്ള വർക്കിംഗ് ഗ്രൂപ്പ് ജനറൽബോഡി യോഗം നടത്തി"
english_title: "aanthoor corporation"
publisher: "thaliparambanews.in"
canonical_url: "https://thaliparamba.truevisionnews.com/news/41003/aanthoor-corporation"
published_at: "2022-05-05T20:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6273edb193177_Untitled-2 web.jpg"
keywords: []
---

# ആന്തൂർ നഗരസഭ 2022 -23 വാർഷിക പദ്ധതി തയ്യാറാക്കാനുള്ള വർക്കിംഗ് ഗ്രൂപ്പ് ജനറൽബോഡി യോഗം നടത്തി

> **Lead Summary:** ആന്തൂർ നഗരസഭ 2022 - 23 വാർഷിക പദ്ധതി തയ്യാറാക്കാനുള്ള വർക്കിംഗ് ഗ്രൂപ്പ് ജനറൽ ബോഡി യോഗം ധർമ്മശാല കോഫീ ഹൗസ് ഹാളിൽ നഗരസഭ ചെയർമാൻ പി. മുകുന്ദൻ ഉദ്ഘാടനം ചെയ്തു.

## Article Content

ആന്തൂർ നഗരസഭ 2022 - 23 വാർഷിക പദ്ധതി തയ്യാറാക്കാനുള്ള വർക്കിംഗ് ഗ്രൂപ്പ് ജനറൽ ബോഡി യോഗം ധർമ്മശാല കോഫീ ഹൗസ് ഹാളിൽ നഗരസഭ ചെയർമാൻ പി. മുകുന്ദൻ ഉദ്ഘാടനം ചെയ്തു.

നഗരസഭ വൈസ് ചെയർപേർസൺ അധ്യക്ഷത വഹിച്ച ചടങ്ങിൽ ജനകീയാസൂത്രണo ഫാക്കൽട്ടി മെമ്പർ ടി.ഗംഗാധരൻ മാസ്റ്റർ 14-ാം പദ്ധതി മാർഗ്ഗരേഖ വിശദീകരണം നൽകി. വികസന കാര്യ സ്റ്റാന്റിംഗ് കമ്മറ്റി ചെയർമാൻ കെ.വി. പ്രേമരാജൻ മാസ്റ്റർ നഗരസഭയുടെ വികസന ലക്ഷ്യങ്ങൾ വിശദീകരിച്ചു.

16 വർക്കിംഗ് ഗ്രൂപ്പുകളായി നടത്തിയ ചർച്ചയിൽ ഈ വർഷത്തെ പദ്ധതി നിർദ്ദേശങ്ങൾ തയ്യാറാക്കി അവതരിപ്പിച്ചു. നഗരസഭാ സെക്രട്ടരി പി.എൻ. അനീഷ് സ്വാഗതം പറഞ്ഞ ചടങ്ങിൽ ആസൂത്രണ സമിതി ഉപാധ്യക്ഷൻ ടി. സുരേഷ് ബാബു, പ്ലാൻ കോ-ഓർഡിനേറ്റർ സുനിൽകുമാർ ,രാധാകൃഷ്ണൻ , സ്റ്റാന്റിംഗ് കമ്മറ്റി ചെയർമാൻ മാർ തുടങ്ങിയവർ സംസാരിച്ചു. വാർഡ് സഭകൾ മെയ് മാസം 14, 15, 21, 22, തീയ്യതികളിൽ നടക്കും.

### Related Links & Sources
- [Original Story Source](https://thaliparamba.truevisionnews.com/news/41003/aanthoor-corporation)