പരിയാരം: പ്രെസ്സ് ക്ലബ്‌ റോഡ് വീതി കുറച്ചു.വഴിമാറ്റി-ദേശീയപാതയിൽ ജലപ്രളയം.ഇന്നലെ രാത്രിയും ഇന്ന് രാവിലെയും പെയ്‌ത കനത്ത മഴയിൽ പരിയാരം പ്രസ്ക്ലബ്ബ് റോഡ് വെള്ളത്തിൽ മുങ്ങി.
പുതിയ ദേശീയപാതയുടെ നിർമ്മാണവുമായി ബന്ധപ്പെട്ട് പരിയാരം അലക്യംതോടിന്റെ വീതി കുറക്കുകയും ആയുർവേദ കോളേജിന് സമീപം തോട് ഗതിമാറ്റുകയും ചെയ്തതോടെയാണ് പ്രസ്ക്ലബ്ബ് റോഡ് വഴി കുളപ്പുറത്തേക്കുള്ള വഴി ദുരിതവഴിയായി മാറിയത്.ഇവിടെ പാലത്തിന് ഉയരം കുറയുകയും അടിഭാഗത്ത് മണ്ണഅ നിറഞ്ഞ് ആഴം കുറയുകയും ചെയ്തിരുന്നു.
ഇതോടൊപ്പം തോടിന്റെ വീതി കുറക്കുകയും, ഓവുചാലുപേലെ സ്ളാബിട്ട് മൂടുകയും ചെയ്തതോടെയാണ് വെള്ളം ഒഴുകിപ്പോകാനാവാതെ സർവീസ് റോഡ് മുങ്ങുന്ന അവസ്ഥയിലായത്.
മെഡിക്കൽ കോളേജിലെ ഡോക്ടർമാർ ഉൾപ്പെടെ നൂറുകണക്കിനാളുകൽ താമസിക്കുന്ന റസിഡൻഷ്യൽ ഏരിയയിലേക്കുള്ള റോഡായതിനാൽ മഴക്കാലം തുടങ്ങിയോതടെ യാത്രക്കാർ ദുരിതത്തിലാണ്.കാൽനടയാത്രയും വാഹനയാത്രയും ഒരുപോലെ ഇവിടെ ദുരിതത്തിലായി.ഈ റോഡിന്റെ പ്രശ്നങ്ങൾ അടിയന്തിരമായി പരിഹരിക്കുമെന്ന് ഉറപ്പുനൽകിയ സ്ഥലം എം.എൽ.എ ഒന്നും ചെയ്യുന്നില്ലെന്ന പരാതി വ്യാപകമാണ്.
നാട്ടുകാർ ഫോൺവിളിച്ചാൽ പോലും എം.എൽ.എ എടുക്കുന്നില്ലെന്നും ആക്ഷേപം നിലനിൽക്കുകയാണ്.
Press ub road
.jpg)
.jpg)
.jpeg)
