ഈയടുത്ത് സമൂഹമാധ്യമങ്ങളിൽ വൈറലായ ഒരു സ്തമലാണ് കോഴിക്കോട് കൊയിലാണ്ടിക്കടുത്ത മുചുകുന്നിലെ കുളം. ഒറ്റപ്പെട്ട യാത്ര ആഗ്രഹിക്കുന്നവരാണോ നിങ്ങൾ എങ്കിൽ വിട്ടോളു ഇവിടേക്ക്.
വനം വകുപ്പ് പട്ടികപ്പെടുത്തിയിട്ടുള്ള കേരളത്തിലെ 22 ഔദ്യോഗികമായി അംഗീകരിക്കപ്പെട്ട കന്യക വനങ്ങളിൽ ഒന്നാണ് മുചുകുന്ന് കോട്ടയിൽ ശിവക്ഷേത്രത്തിലെ 'കാവ്'. 9.46 ഏക്കർ വിസ്തൃതിയുള്ള ഈ പച്ചപ്പ് നിറഞ്ഞ സങ്കേതം അപൂർവയിനം സസ്യങ്ങൾ, മൃഗങ്ങൾ, ചിത്രശലഭങ്ങൾ, പാമ്പുകൾ തുടങ്ങി നിരവധി ജീവജാലങ്ങളുടെ ആവാസ കേന്ദ്രമാണ്. വനം വകുപ്പും ക്ഷേത്രവും സംയുക്തമായി സംരക്ഷിക്കുന്ന കാവാണിത് .
സഞ്ചാരികളെ സ്വാഗതം ചെയ്യാൻ ശ്രീകോവിലിനടുത്തെത്തുമ്പോൾ, ഒറ്റക്കല്ലിൽ കൊത്തിയെടുത്ത തൂണുകളാൽ ചുറ്റപ്പെട്ട ഒരു കൽഭിത്തിയും പ്രവേശന കവാടവും ഉണ്ട്. ഇവിടെ നിന്നുള്ള ഒരു ഇടുങ്ങിയ പാത കാട്ടിലേക്ക് ക്ഷണിക്കുന്നു. നിരവധി മരങ്ങളാൽ തണലുള്ള ഈ ശാന്തമായ പാത ക്ഷേത്രത്തിന്റെ പ്രശസ്തമായ കുളത്തിൽ അവസാനിക്കുന്നു.
ത്രികോണാകൃതിയിലുള്ള കൽപ്പടവുകളാണ് പ്രധാന ആകർഷണം. കുളത്തിലെ തണുത്ത, വെള്ളം മനസ്സിനും ശരീരത്തിനും കുളിർമയേകും. അതിൽ തൂങ്ങിക്കിടക്കുന്ന മരങ്ങളുടെ പ്രതിഫലനങ്ങൾ കാണാം. ഗുരുവായൂർ ക്ഷേത്രക്കുളത്തിന്റെ ശൈലിയിൽ നിർമ്മിച്ച ഈ കുളം 200 വർഷങ്ങൾക്ക് മുമ്പ് മാങ്കോട്ടിൽ ചാത്തുക്കുട്ടി നായർ നിർമ്മിച്ചതാണെന്ന് ക്ഷേത്ര അധികൃതർ പറയുന്നു, ഇപ്പോഴും നിലനിൽക്കുന്ന പരമ്പരാഗത സാങ്കേതിക വിദ്യകൾ ഉപയോഗിച്ചാണ് ഇത് നിർമ്മിച്ചത്.
അടുത്തിടെ പുറത്തിറങ്ങിയ നാരായണന്റെ മൂന്നൻമക്കൾ എന്ന സിനിമയിൽ ഈ കുളം എല്ലാവര്ക്കും പരിചിതമാണ്. റീലിസ് ചിത്രീകരണത്തിനും. ഫോട്ടോഷൂട്ടിനും നിരവധി ആളുകളാണ് ഇവിടേക്ക് എത്തുന്നത്
Kozhikode Muchukunnu temple pond
.jpg)
.jfif)
