മട്ടന്നൂർ: അബുദാബിയിൽ നിന്നും ഗോ ഫസ്റ്റ് വിമാനത്തിൽ എത്തിയ യാത്രക്കാരനിൽ നിന്നും ഒന്നര കിലോ സ്വർണ്ണം പോലീസ് പിടികൂടി. കാസ ഗോഡ് ആലമ്പാടി സ്വദേശി അബ്ദുള്ളയുടെ മകൻ ഷെറഫാത്ത് മുഹമ്മദിൽ നിന്നാണ് ഒന്നര കിലോ സ്വർണ്ണം പോലീസ് പിടികൂടിയത്. കസ്റ്റംസ് പരിശോധനക്കുശേഷം പുറത്തിറങ്ങിയ ഇയാളെ എയർപോർട്ട് പോലീസും പോലീസ് സ്പെഷ്യൽ സ്ക്വാഡ് അംഗങ്ങളും സംശയം തോന്നി പരിശോധിച്ചപ്പോഴാണ് ബാഗിൽ സൂക്ഷിച്ച സി എഫ് എൽ ബൾബിലും മറ്റു വീട്ടുപകരണങ്ങളിലും കട്ടകളായി ഒളിപ്പിച്ചു വെച്ച ഒന്നര കിലോ സ്വർണ്ണം പിടിച്ചെടുത്തത്. സ്വർണ്ണത്തിന്വിപണി യിൽ 86 ലക്ഷം രൂപ വിലവരും. പിടിച്ചെടുത്ത സ്വർണം പോലീസ് കോടതിയിൽ ഹാജരാക്കുംകണ്ണൂർ സിറ്റി പോലീസ് കമ്മീഷണർ അജിത്കുമാർ ഐ.പി.എസി ന്റെ നിർദേശപ്രകാരം സ്ക്വാഡ് അംഗങ്ങളും മട്ടന്നൂർ എയർപോർട്ട് ഇൻസ്‌പെക്ടർ കുട്ടികൃഷ്ണൻ, എസ്.ഐ. സന്തോഷ്‌, പോലീസ് ഉദ്യോഗസ്ഥരായ സുധീർ,സാദിഖ്, മുഹമ്മദ്‌ ഷമീർ, ലിജിൻ, റെനീഷ്,എന്നിവരും എയർപോർട്ടിലെ മറ്റു പോലീസുദ്യോഗസ്ഥരും എയർപോർട്ടിലും പരിസരത്തും നടത്തിയ നിരീക്ഷണത്തിലാണ് ഒളിപ്പിച്ചു കടത്താൻ ശ്രമിച്ച ഒന്നര കിലോ ഗ്രാം സ്വർണ്ണം പിടിച്ചെടുത്തത്. ഇതിനു മുമ്പും സമാനമായ രീതിയിൽ എയർപോർട്ട് പോലീസ് കണ്ണൂർ അന്താരാഷ്ട്ര വിമാനതാവളത്തിൽവെച്ച് വിദേശത്ത് നിന്നുംകടത്തികൊണ്ട് വന്ന സ്വർണം യാത്രക്കാരിൽ നിന്നും പിടിച്ചെടുത്തിട്ടുണ്ട്.
gold seized
.jpg)
