തളിപ്പറമ്പ്: റബ്ബര്‍ പുകപ്പുരക്ക് തീപിടിച്ചു.പരിയാരം കോരന്‍പീടിക അണ്ടാംകുളത്തെ ഹസ്സന്‍ പുളുക്കൂല്‍ എന്നയാളുടെ റബ്ബര്‍ പുകപ്പുരയ്ക്കാണ് തീപിടിച്ചത്.നാല്‍പ്പതിനായിരം രൂപയുടെ നഷ്ടം കണക്കാക്കുന്നു .
മേല്‍ക്കൂരയ്ക്കും ചുമരിനും തീപിടിത്തത്തില്‍ നാശനഷ്ടം ഉണ്ടായി.ഒരു ക്വിന്റല്‍ റബ്ബര്‍ഷീറ്റ് കത്തിനശിച്ചു.ഇന്നലെ വൈകുന്നേരം മൂന്നര മണിയോടെയാണ് സംഭവം.
തളിപ്പറമ്പില്‍ നിന്നും എത്തിയ സ്റ്റേഷന്‍ ഓഫീസര്‍ പ്രേമരാജന്‍ കക്കാടി, ഗ്രേഡ് അസി.സ്റ്റേഷന്‍ ഓഫീസര്‍ കെ.വി.സഹദേവന്‍, സേനാംഗങ്ങളായ ടി.വിജയ്, വി.അനുരൂപ് , സി.അഭിനേഷ്, വി.ജയന്‍, കെ.സജീന്ദ്രന്‍ എന്നിവരുള്‍പ്പെട്ട സംഘമാണ് തീയണച്ചത്.
One quintal of rubber sheet was destroyed
.jpg)
