പൂക്കോത്ത് കൊട്ടാരം - മുണ്ട്യക്കാവ് ഒറ്റക്കോല മഹോത്സവത്തിന് മേലേരി കൂട്ടുന്നത് പനങ്ങാട്ടൂരിലെ യുവാക്കൾ

തളിപ്പറമ്പ:പന്ത്രണ്ട് വർഷങ്ങൾക്കു ശേഷം നടക്കുന്ന പൂക്കോത്ത് തെരു മുണ്ട്യക്കാവ് ഒറ്റക്കോല മഹോത്സവത്തിനുള്ള മേലേരി കൂട്ടുന്നത് പനങ്ങാട്ടൂരിലെ യുവാക്കൾ.

Also read: കല്യാശേരി ഔഷധ ഗ്രാമം: മൂന്നാംഘട്ട പദ്ധതി ഉദ്ഘാടനം ചെയ്തു

നിരവധി വർഷങ്ങളായിപനങ്ങാട്ടൂർ വേട്ടക്കൊരുമകൻ കോട്ടത്ത് മേലേരി കൂട്ടുന്ന ഇവർ മുണ്ട്യക്കാവ് ഒറ്റക്കോല മഹോത്സവത്തിന് മേലേരി കൂട്ടുന്നത് ഇത് മൂന്നാം തവണയാണ്.കരിമ്പം പനക്കാട് വയൽത്തിറയോടനുബന്ധിച്ചും, പട്ടുവം മംഗലശ്ശേരി വയൽത്തി റയോടനുബന്ധിച്ചും മേലേരി കൂട്ടിയത് ഈ കൂട്ടായ്മയാണ്.

ഈ കൂട്ടായ്മയിൽ ഭൂരിഭാഗവും തീയ സമുദായാംഗങ്ങളാണെങ്കിലും നമ്പ്യാർ, കണിശൻ, മണിയാണി സമുദായാംഗങ്ങളും മേലേരി കൂട്ടുന്നതിൽ പങ്കാളികളാണ്.പനങ്ങാട്ടൂർകെ വി ചന്ദ്രൻ സ്മാരക കലാ സമിതിയുടെ പ്രവർത്തകരാണ് എല്ലാവരും എന്നതിനാൽമേലേരി കൂട്ടിയാൽ പ്രതിഫലമായി ലഭിക്കുന്ന തുക മുഴുവൻ പൊതു കാര്യങ്ങൾക്കായി വിനിയോഗിക്കുകയാണ് ചെയ്യാറ്.

Also read: ‘2026ൽ UDF ജയം കാത്തിരിക്കുകയാണ് ജനം, അര്‍ജന്റീനയുടെ ലോകകപ്പ് ജയം പോലെ’; ഷാഫി പറമ്പിൽ

ഗ്രന്ഥാലയത്തിന് പുസ്തകങ്ങൾ വാങ്ങാനും ചികിത്സാ സഹായങ്ങൾ നൽകാനും ഇങ്ങനെ ലഭിച്ച തുക വിനിയോഗിച്ചു.ബൈജു വാഴയിൽ,ടി പ്രിയേഷ്,സി വി ശ്രീകേഷ്, നീലാങ്കോൽ സുധാകരൻ, തൈക്കണ്ടി സുരേന്ദ്രൻ, മൊട്ടമ്മൽ ഭാസ്ക്കരൻ, ചങ്ങനാർ വീട്ടിൽ നാരായണൻ,പുതിയ പുരയിൽ മനോജ് തുടങ്ങിയവർക്കൊപ്പം പുതുതലമുറയും ചേർന്നു .

panangattoor