---
title: "കല്യാശ്ശേരി ഗവ ഹയർ സെക്കണ്ടറി സ്കൂൾ പ്രവൃത്തി ഉദ്ഘാടനം സെപ്തംബർ 13 ന് എം വിജിൻ എം എൽ എ നിർവഹിക്കും"
english_title: "Kalyassery Govt Higher Secondary School"
publisher: "thaliparambanews.in"
canonical_url: "https://thaliparamba.truevisionnews.com/news/235004/kalyassery-govt-higher-secondary-school"
published_at: "2024-09-12T09:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66e26d956dbcf_news-card.jpg"
keywords: []
---

# കല്യാശ്ശേരി ഗവ ഹയർ സെക്കണ്ടറി സ്കൂൾ പ്രവൃത്തി ഉദ്ഘാടനം സെപ്തംബർ 13 ന് എം വിജിൻ എം എൽ എ നിർവഹിക്കും

> **Lead Summary:** കല്യാശ്ശേരി കെപി ആർ സ്മാരക ഗവ ഹയർ സെക്കണ്ടറി സ്കൂളിന്റെ പ്രവൃത്തി ഉദ്ഘാടനം സെപ്തംബർ 13 ന് രാവിലെ 11 മണിക്ക് എം വിജിൻ എം എൽ എ നിർവഹിക്കും. ചടങ്ങിൽ ജില്ലാ പഞ്ചായത്ത് പ്രസിണ്ടന്റ് പി പി ദിവ്യ അധ്യക്ഷത വഹിക്കും. പൊതു വിദ്യാലയങ്ങളെ അന്താരാഷ്ട്ര നിലവാരത്തിലേക്ക് ഉയർത്തുന്നതിന് കിഫ്ബി മുഖേന സർക്കാർ 3.90 കോടി രൂപയാണ് കെട്ടിട നിർമ്മാണത്തിന് അനുവദിച്ചത്.

## Article Content

കല്യാശ്ശേരി കെപി ആർ സ്മാരക ഗവ ഹയർ സെക്കണ്ടറി സ്കൂളിന്റെ പ്രവൃത്തി ഉദ്ഘാടനം സെപ്തംബർ 13 ന് രാവിലെ 11 മണിക്ക് എം വിജിൻ എം എൽ എ നിർവഹിക്കും. ചടങ്ങിൽ ജില്ലാ പഞ്ചായത്ത് പ്രസിണ്ടന്റ് പി പി ദിവ്യ അധ്യക്ഷത വഹിക്കും. പൊതു വിദ്യാലയങ്ങളെ അന്താരാഷ്ട്ര നിലവാരത്തിലേക്ക് ഉയർത്തുന്നതിന് കിഫ്ബി മുഖേന സർക്കാർ 3.90 കോടി രൂപയാണ് കെട്ടിട നിർമ്മാണത്തിന് അനുവദിച്ചത്.

ഗ്രൗണ്ട് ഫ്ലോർ ഉൾപ്പടെ 2 നിലകളിൽ നിർമ്മിക്കുന്ന കെട്ടിടത്തിൽ 9 ക്ലാസ് റൂം, സയൻസ് ലാബ്, ഓഫീസ് റൂം, ലൈബ്രറി, ഡൈനിംഗ് ഹാൾ, വാഷിംഗ് റും, ടോയ് ലറ്റ്, സ്റ്റെയർ റൂം ലൈബ്രറി ഉൾപ്പടെയുളള സൗകര്യം ഉണ്ടാകും. കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ടേഷനാണ് (കില ) പദ്ധതിയുടെ നിർവഹണ ചുമതല. പദ്ധതി പൂർത്തിയാകുന്നതോടെ സ്കൂളുകളുടെ ഭൗതിക സൗകര്യങ്ങളും അക്കാദമിക നിലവാരവും ഉയർത്തുന്നതിനും സ്കൂളിനെ മികവിന്റെ കേന്ദ്രങ്ങളാക്കി മാറ്റുന്നതിനും സാധിക്കുമെന്ന് എം വിജിൻ എം എൽ എ പറഞ്ഞു

### Related Links & Sources
- [Original Story Source](https://thaliparamba.truevisionnews.com/news/235004/kalyassery-govt-higher-secondary-school)