---
title: "കുളമ്പു രോഗ നിയന്ത്രണ പദ്ധതിയും ചർമ്മ മുഴ രോഗ പ്രതിരോധ കുത്തിവെപ്പും ഉദ്ഘാടനം ചെയ്തു"
english_title: "hoof disease Inauguration"
publisher: "thaliparambanews.in"
canonical_url: "https://thaliparamba.truevisionnews.com/news/225738/hoof-disease-inauguration"
published_at: "2024-08-05T14:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66b091c9dd11f_news-card.jpg"
keywords: []
---

# കുളമ്പു രോഗ നിയന്ത്രണ പദ്ധതിയും ചർമ്മ മുഴ രോഗ പ്രതിരോധ കുത്തിവെപ്പും ഉദ്ഘാടനം ചെയ്തു

> **Lead Summary:** **തളിപ്പറമ്പ: ** പട്ടുവം ഗ്രാമ പഞ്ചായത്ത് തല കുളമ്പു രോഗ നിയന്ത്രണ പദ്ധതിയുടെയും ചർമ്മ മുഴ രോഗ പ്രതിരോധ കുത്തിവെപ്പും ഉദ്ഘാടനം ചെയ്തു. മുറിയാത്തോടിലെ വെറ്ററിനറി ഡിസ്പെൻസറിയിൽ വെച്ച് പദ്ധതി ഉദ്ഘാടനം ഗ്രാമ പഞ്ചായത്ത് പ്രസിഡണ്ട് പി ശ്രീമതി നിർവ്വഹിച്ചു . വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എം സുനിത അധ്യക്ഷത വഹിച്ചു .

## Article Content

**തളിപ്പറമ്പ: ** പട്ടുവം ഗ്രാമ പഞ്ചായത്ത് തല കുളമ്പു രോഗ നിയന്ത്രണ പദ്ധതിയുടെയും ചർമ്മ മുഴ രോഗ പ്രതിരോധ കുത്തിവെപ്പും ഉദ്ഘാടനം ചെയ്തു. മുറിയാത്തോടിലെ വെറ്ററിനറി ഡിസ്പെൻസറിയിൽ വെച്ച് പദ്ധതി ഉദ്ഘാടനം ഗ്രാമ പഞ്ചായത്ത് പ്രസിഡണ്ട് പി ശ്രീമതി നിർവ്വഹിച്ചു . വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എം സുനിത അധ്യക്ഷത വഹിച്ചു .

വെറ്ററിനറി സർജൻ ഡോ: പി ആർ ആര്യ പദ്ധതി വിശദീകരിച്ചു. കൃഷി ഓഫീസർ രാഗിഷ രാമദാസ് സംസാരിച്ചു. ലൈവ് സ്റ്റോക്ക് ഇൻസ്പെക്ടർ എസ് സി അനൂജ സ്വാഗതം പറഞ്ഞു. കുളമ്പുരോഗ നിയന്ത്രണ പദ്ധതിയുടെ അഞ്ചാം ഘട്ടവും ചർമ്മ മുഴ രോഗ പ്രതിരോധ കുത്തിവെപ്പിൻ്റെ രണ്ടാം ഘട്ടവുമാണ് നടക്കുന്നത് .

നാല് മാസവും അതിന് മുകളിലും പ്രായമുള്ള പശു, എരുമ വർഗ്ഗത്തിലുളള ഉരുക്കളെയാണ് കുളമ്പുരോഗ കുത്തിവയ്പിന് വിധേയമാക്കേണ്ടത്. നാല് മാസവും അതിന് മുകളിലും പ്രായമുള്ള പശു, കാള എന്നിവയെ ചർമ്മ മുഴ പ്രതിരോധ കുത്തിവയ്പ്പിന് വിധേയമാക്കേണ്ടതാണ്. കുത്തി വയ്പ് സൗജന്യമാണ്.

### Related Links & Sources
- [Original Story Source](https://thaliparamba.truevisionnews.com/news/225738/hoof-disease-inauguration)