---
title: "തടിക്കടവ് ഗവ.ഹൈസ്കൂളിൽ ജില്ലാ പഞ്ചായത്ത് നിർമ്മിച്ച ഓപ്പൺ ഓഡിറ്റോറിയത്തിന്റെ ഉദ്ഘാടനവും വാർഷികാഘോഷവും നടന്നു "
english_title: "The inauguration and annual celebration of the open auditorium"
publisher: "thaliparambanews.in"
canonical_url: "https://thaliparamba.truevisionnews.com/news/265423/the-inauguration-and-annual-celebration-of-the-open-auditorium"
published_at: "2025-01-24T10:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/679318aa273ca_news-card.jpg"
keywords: []
---

# തടിക്കടവ് ഗവ.ഹൈസ്കൂളിൽ ജില്ലാ പഞ്ചായത്ത് നിർമ്മിച്ച ഓപ്പൺ ഓഡിറ്റോറിയത്തിന്റെ ഉദ്ഘാടനവും വാർഷികാഘോഷവും നടന്നു 

> **Lead Summary:** തടിക്കടവ് ഗവ.ഹൈസ്കൂളിൽ ജില്ലാ പഞ്ചായത്ത് നിർമ്മിച്ച ഓപ്പൺ ഓഡിറ്റോറിയത്തിന്റെ ഉദ്ഘാടനവും വാർഷികാഘോഷവും യാത്രയയപ്പ് സമ്മേളനവും നടന്നു. ജില്ലാ പഞ്ചായത്ത് പ്രസിഡന്റ് അഡ്വ.കെ കെ രത്നകുമാരി ഉദ്ഘാടനം ചെയ്തു. ജില്ലാ പഞ്ചായത്ത് അംഗം തോമസ് വക്കത്താനം അധ്യക്ഷത വഹിച്ചു.

## Article Content

തടിക്കടവ് ഗവ.ഹൈസ്കൂളിൽ ജില്ലാ പഞ്ചായത്ത് നിർമ്മിച്ച ഓപ്പൺ ഓഡിറ്റോറിയത്തിന്റെ ഉദ്ഘാടനവും വാർഷികാഘോഷവും യാത്രയയപ്പ് സമ്മേളനവും നടന്നു. ജില്ലാ പഞ്ചായത്ത് പ്രസിഡന്റ് അഡ്വ.കെ കെ രത്നകുമാരി ഉദ്ഘാടനം ചെയ്തു. ജില്ലാ പഞ്ചായത്ത് അംഗം തോമസ് വക്കത്താനം അധ്യക്ഷത വഹിച്ചു.

ജില്ലാ പഞ്ചായത്ത് വിദ്യാഭ്യാസ - ആരോഗ്യ സ്റ്റാന്റിംഗ് കമ്മറ്റി ചെയർ പേഴ്സൺ പി വി ശ്രീജിനി ഉപഹാര സമർപ്പണം നിർവഹിച്ചു. ചപ്പാരപ്പടവ് ഗ്രാമപഞ്ചായത്ത് പ്രസിഡന്റ് സുനിജ ബാലകൃഷ്ണൻ വിദ്യാർത്ഥികൾക്കുള്ള പ്രൊഫിഷ്യൻസി അവാർഡുകൾ വിതരണം ചെയ്തു.

ബ്ലോക്ക് പഞ്ചായത്ത് അംഗം ഉനൈസ് എരുവാട്ടി, പഞ്ചായത്ത് അംഗങ്ങളായ ആൻസി സണ്ണി, മനു തോമസ്, വി പി ഗോവിന്ദൻ, ജോസഫ് ഉഴുന്നുപാറ, പി കെ റെജി, വിദ്യാലയ വികസന സമിതി ചെയർമാൻ കെ ജെ ജോസഫ്, പി ടി എ പ്രസിഡന്റ് സുനിൽകുമാർ, എസ് എം സി ചെയർമാൻ സി എം ഹംസ, എം പി ടി എ പ്രസിഡന്റ് വിചിത്ര വിനോദ്, വി എ അന്നമ്മ ടീച്ചർ എന്നിവർ പ്രസംഗിച്ചു. പ്രധാനാധ്യാപകൻ കെ മുനീർ സ്വാഗതവും സ്റ്റാഫ് സെക്രട്ടറി എൻ ബിജുമോൻ നന്ദിയും പറഞ്ഞു. തുടർന്ന് കുട്ടികളുടെ വിവിധ കലാപരിപാടികൾ അരങ്ങേറി.

### Related Links & Sources
- [Original Story Source](https://thaliparamba.truevisionnews.com/news/265423/the-inauguration-and-annual-celebration-of-the-open-auditorium)