ധർമ്മശാല: ആന്തൂർ നഗരസഭ ഭൂമിക ഹരിത കർമ്മസേനയുടെ വാർഡ് 13 മുതൽ 19 വരെയുള്ള വസുധ ക്ലസ്റ്റർ ആന്തൂർ വയലിൽ നടത്തിയ നെൽകൃഷി വിളവെടുത്തു. ആന്തൂർ വയലിലെ ഒരേക്കറോളം സ്ഥലത്ത് ആന്തുർ കൃഷി ഓഫീസിൻ്റെ സഹകരണത്തോടെ അത്യുല്പാദന ശേഷിയുള്ള മണിരന്തം വിത്താണ് കൃഷിക്കുപയോഗിച്ചത്.
വിളവെടുപ്പ് വികസന സ്ഥിരം സമിതി അധ്യക്ഷൻ പ്രേമരാജൻ മാഷിൻ്റെ അദ്ധ്യക്ഷതയിൽ ചെയർമാൻ പി. മുകുന്ദൻ ഉൽഘാടനം ചെയ്തു. ശുചിത്വ രംഗ ത്ത് മാതൃകാപരമായ പ്രവർത്തനങ്ങൾ നടത്തുന്ന ഹരിത കർമ്മ സേനയുടെ പുതിയതും വൈവിധ്യവുമായ സംരംഭം ശ്ലാഘനീയമാണെന്ന് ചെയർമാൻ അഭിപ്രായപ്പെട്ടു. നഗരസഭയുടെ മറ്റു ക്ലസ്റ്ററുകളിലേക്ക് ഈ പ്രവർത്തനം വ്യാപിപ്പിക്കുവാൻ പദ്ധതി തയ്യാറാക്കുമെന്ന് ചെയർമാൻ പറഞ്ഞു.
അടുത്ത ഘട്ടമായി ഈ കൃഷിഭൂമി ചെറുപയർ, വൻപയർ കൃഷി ഉടൻ തന്നെ ആരംഭിക്കുമെന്ന് ബന്ധപ്പെട്ടവർ അറിയിച്ചു. നഗരസഭ സെക്രട്ടറി പി.എൻ. അനീഷ്, അസി. കൃഷി ഓഫീസർ വിജയകുമാരി,പി.വി. മുരളി, ഹരിത കർമ്മ സേന സെക്രട്ടറി ടി.വി. സുമ, എം. സിന്ധു എന്നിവർ ചടങ്ങിൽ സംസാരിച്ചു.
Andoor Municipal Corporation Harita Karmasena harvested paddy
.jfif)
