ആന്തൂർ നഗരസഭ സ്വച്ഛത ഹി സേവ ക്യാമ്പയിൻ പരിപാടികൾക്ക് തുടക്കം കുറിച്ചു

ധർമ്മശാല: സ്വച്ഛത ഹി സേവ, മാലിന്യമുക്തം നവകേരളം ക്യാമ്പയിൻ പരിപാടികൾ ലോഗോ പ്രകാശനം ചെയ്ത് കൊണ്ട് ആന്തൂർ നഗരസഭ തുടക്കം കുറിച്ചു. ആന്തൂർ നഗരസഭ അങ്കണത്തിൽ വെച്ച് ശുചിത്വ അംബാസിഡർ ശ്രീമതി രജിത മധു ലോഗോ പ്രകാശനം ചെയ്തു കൊണ്ട് ക്യാമ്പയിൻ പരിപാടികളുടെ ഉദ്ഘാടന കർമ്മം നിർവ്വഹിച്ചു.

നഗരസഭ ചെയർമാൻ പി മുകുന്ദൻ, സെക്രട്ടറി പി എൻ അനീഷ്, ക്ലീൻ സിറ്റി മാനേജർ, സ്റ്റാന്റിങ് കമ്മിറ്റി ചെയർമാന്മാർ, കൗൺസിലേഴ്‌സ്, നഗരസഭ ജീവനക്കാർ, എം വി ആർ ആയുർവേദ മെഡിക്കൽ കോളേജ് ഡോക്ടർമാർ, ഹരിതകർമ്മസേന, ശുചീകരണ തൊഴിലാളികൾ തുടങ്ങിയവർ ലോഗോ പ്രകാശനത്തിൽ പങ്കു ചേർന്നു. തുടർന്ന് കൗൺസിൽ ഹാളിൽ വെച്ച് ചെയർമാൻ പി മുകുന്ദൻ ശുചിത്വ പ്രതിജ്ഞ ചൊല്ലിക്കൊടുത്തു. നഗരസഭ സെക്രട്ടറി പി എൻ അനീഷ് ക്യാമ്പയിൻ പ്രവർത്തനങ്ങൾ വിശദീകരിച്ചു. ക്ലീൻ സിറ്റി മാനേജർ അജിത് ടി നന്ദി പ്രകാശിപ്പിച്ചു.

Also read: കൊട്ടിയൂർ ക്ഷേത്ര ദർശനത്തിനെത്തിയ നടൻ ജയസൂര്യയുടെ ഫോട്ടോ പകർത്തിയതിൽ ഫോട്ടോഗ്രഫറെ മർദിച്ചെന്ന് ആരോപണം

സെപ്തബർ 17 മുതൽ ഒക്ടോബർ 2 വരെ നീണ്ടു നിൽക്കുന്ന ക്യാമ്പയിനിൽ വൻ ജനപങ്കാളിതത്തോടെയുള്ള പരിപാടികളും ബോധവൽക്കരണ ക്ലാസുകളും, മെഗാ ശുചീകരണ പ്രവർത്തനങ്ങൾ, ശുചീരണ തൊഴിലാളികൾക്കുള്ള അംഗീകാരവും ആരോഗ്യക്ഷേമ പ്രവർത്തനങ്ങളും തുടങ്ങി മൂന്ന് വിഭാഗങ്ങളിലായിട്ടാണ് ക്യാമ്പയിൻ പരിപാടികൾ വിഭാവനം ചെയ്തിട്ടുള്ളത്.

ഇതിന്റെ ഭാഗമായി സ്കൂൾ വിദ്യാർത്ഥികൾക്കായി ക്വിസ് മത്സരം, വേസ്റ്റ് ടു ആർട്ട് മത്സരം, ബോധവൽക്കരണ ക്ലാസുകൾ, സ്വച്ഛത റാലി, മനുഷ്യ ചങ്ങല, മാലിന്യ സംസ്കരണ ഉപാദികളുടെ പ്രദർശനം, ശുചീകരണ തൊഴിലാളികൾ, ഹരിതകർമ്മ സേന, നമസ്തേ സ്കീമിൽ ഉൾപ്പെട്ട തൊഴിലാളികൾ തുടങ്ങിയവർക്ക് മെഡിക്കൽ ക്യാമ്പ്, ആരോഗ്യ സുരക്ഷ ബോധവൽക്കരണ ക്ലാസ്സ്‌, ആദരം, പി പി ഇ കിറ്റ് വിതരണം, മെഗാ ക്ലീനിംഗ് ഡ്രൈവ് തുടങ്ങിയ പരിപാടികൾ വരും ദിനങ്ങളിലായി നടത്തുവാൻ തീരുമാനിച്ചു. ഒക്ടോബർ 2ന് ക്ലീനിംഗ് ഡ്രൈവോട് കൂടി സ്വച്ഛത ഹി സേവ ക്യാമ്പയിൻ പരിപാടികൾ സമാപിക്കുകയും മാലിന്യമുക്തം നവകേരളം ക്യാമ്പയിൻ പരിപാടികൾക്ക് തുടക്കം കുറിക്കുകയും ചെയ്യും.

Andoor Municipal Corporation has started the Swachhata Hi Seva campaign