ജോയിന്റ് കൗൺസിൽ തളിപ്പറമ്പ് മേഖല സമ്മേളനം സംഘടിപ്പിച്ചു

തളിപ്പറമ്പ്: സംസ്ഥാനത്തെ സർക്കാർ ജീവനക്കാരുടെ ശബള പരിഷ്ക്കരണ നടപടികൾക്കായി ശമ്പള കമ്മീഷനെ നിയമിക്കണമെന്ന് ജോയിൻ്റ് കൗൺസിൽ തളിപ്പറമ്പ് മേഖല സമ്മേളനം സർക്കാരിനോടാവശ്യപ്പെട്ടു . സംസ്ഥാന കമ്മറ്റി അംഗം ടി ആർ ബിനിൽകുമാർസമ്മേളനം ഉദ്ഘാടനം ചെയ്തു . എം എം രാഘവൻ മാസ്റ്റർ ഓഡിറ്റോറിയത്തിൽ ( പി പി ചന്ദ്രൻ നഗർ) നടന്ന സമ്മേളനത്തിൽ മേഖലാ പ്രസിഡണ്ട് റൈനാ മോളി അധ്യക്ഷത വഹിച്ചു. വി മീര രക്തസാക്ഷി പ്രമേയവും, എൻ യു ഉചിത അനുശോചന പ്രമേയവും, ജില്ലാ ട്രഷറർ പി സുധീഷ് പ്രവർത്തന റിപ്പോർട്ടും, മേഖല സെക്രട്ടരി അനിൽ വർഗീസ് പ്രവർത്തന റിപ്പോർട്ടും, മേഖല ട്രഷറർ കെ പി സജീവൻ വരവ് ചെലവ് കണക്കും അവതരിപ്പിച്ചു. ജില്ലാ സെക്രട്ടരി കെ റോയ് ജോസഫ്,ജില്ലാ പ്രസിഡണ്ട് ടി എസ് പ്രദീപ് സംസാരിച്ചു .

Also read: മലപ്പട്ടം സംഘർഷത്തിൽ സിപിഎം പ്രവർത്തകർക്കെതിരെ അടിയന്തര നടപടി സ്വീകരിക്കണമെന്ന് കെപിസിസി പ്രസിഡന്റ് സണ്ണി ജോസഫ്

അനിൽ വർഗീസ് സ്വാഗതവും പി പി ആരിഫ് നന്ദിയും പറഞ്ഞു . ഭാരവാഹികളായി ദിനേശൻ പോത്തേര (പ്രസിഡണ്ട്), പി പി രാജീവൻ ( വൈസ് പ്രസിഡണ്ട്), റൈനിമോളി (സെക്രട്ടരി), കെ വി ഷീജ (ജോ: സെക്രട്ടരി), കെ പി സജീവൻ (ട്രഷറർ) വനിത വിഭാഗം: രശ്മി രാജൻ (പ്രസിഡണ്ട്), സിനി മത്തായി (സെക്രട്ടരി), പി പി ഗിരീഷ് (കൺവീനർ, നന്മ സാംസ്കാരി വേദി) എന്നിവരെ തെരഞ്ഞെടുത്തു .

Joint Council