ശ്രീകണ്ഠാപുരം: ഗൂഗിൾ പേ വഴി ലഹരിമരുന്ന് വിൽപന നടത്തുന്ന രണ്ട് യുവാക്കൾ എംഡി എം എയുമായി പിടിയിലായി.
കണ്ണൂർ റൂറൽ എസ്.പിക്ക് ലഭിച്ചരഹസ്യ വിവരത്തിന്റെ അടിസ്ഥാനത്തിൽ കണ്ണൂർ റൂറൽ ഡി വൈ എസ് പി കെ. രമേഷിന്റെ മേൽനോട്ടത്തിൽ ശ്രീകണ്ഠാപുരം പോലീസും കണ്ണൂർ റൂറൽ എസ്പി . യുടെ കീഴിൽ പ്രവർത്തിക്കുന്ന ലഹരി വിരുദ്ധ സ്‌ക്വാഡും(DANSAF )ചേർന്നു ഞായറാഴ്ച പുലർച്ചെ നടത്തിയ സംയുക്ത വാഹന പരിശോധനയിലാണ് മാരക ലഹരിമരുന്നായ 15 ഗ്രാം എംഡി എം എ യുമായി ശ്രീകണ്ഠപുരത്ത് വെച്ച് ഇവർ പിടിയിലായത്.
ശ്രീകണ്ഠാപുരം മേഖലയിൽ യുവാക്കൾക്ക് വ്യാപകമായി മയക്കുമരുന്ന് വില്പന നടത്തിയിരുന്ന ശ്രീകണ്ഠാപുരം അടുക്കത്തെ വടക്കേപറമ്പിൽ ഹൗസിൽ സജു, ചെങ്ങളായി ചേരൻകുന്നിലെ പുതിയ പുരയിൽ മുഹമ്മദ്‌ ഷഹൽ എന്നിവരെ പിടികൂടിയത്. ശ്രീകണ്ഠാപുരം ഓടത്തു പാലത്തിനടുത്തു നിന്നുമാണ് ഇരുവരും പോലീസ് പിടിയിലായത്.
രണ്ടു പേരും ഡ്രൈവർമാരായി ജോലി ചെയ്യുന്നവരാണ്.മാസങ്ങളായി ഇവർ ലഹരി വിരുദ്ധ സ്‌ക്വാഡിന്റെ നിരീക്ഷണത്തിലായിരുന്നു. ലഹരിമരുന്ന് കടത്താൻ ഉപയോഗിച്ച കെ.എൽ. 59 ടി. 2424 നമ്പർകാറും ശ്രീകണ്ഠാപുരം പോലീസ് പിടിച്ചെടുത്തു.
ശ്രീകണ്ഠാപുരം പോലീസ് സ്റ്റേഷനിലെ എസ്.ഐ. ബാലകൃഷ്ണൻ പ്രതികളെ അറസ്റ്റ് ചെയ്തു.ഗൂഗിൾ പേ വഴി ആണ് ഇവർ മയക്കുമരുന്ന് വിൽപ്പനയുടെ പണമിടപാടുകൾ നടത്തിയിരുന്നതെന്ന് പോലീസ് അറിയിച്ചു.
ജില്ലയിൽ പോലീസ് മേധാവി യുടെ നേതൃത്വത്തിൽ ലഹരിക്കെതിരെ ശക്തമായ നടപടികളാണ് പോലീസ് സ്വീകരിച്ചു വരുന്നത്. പോലീസ് സംഘത്തിൽ ഗ്രേഡ് എ.എസ് ഐ സുരേഷ്, സീനിയർ സിവിൽ പോലീസ് ഓഫീസർമാരായ സജീവൻ, വിജേഷ് എന്നിവരും ജില്ലാ ലഹരി വിരുദ്ധ സ്‌ക്വാഡിലെ അംഗങ്ങളും ഉണ്ടായിരുന്നു.
#Selling #intoxicating drugs through #Google Pay: Two youths #arrested with #MDMA
.jpg)
