തിരിച്ചുവന്ന പ്രവാസികളോട് കേന്ദ്ര- സംസ്ഥാന സർക്കാറുകളുടെ നീതിനിഷേധത്തിനെതിരെ പ്രവാസിലീഗ് സംസ്ഥാന കമ്മിറ്റിയുടെ പ്രതിഷേധ മാർച്ചും ധർണ്ണയും വ്യാഴാഴ്ച നടക്കും

കണ്ണൂർ: തിരിച്ചുവന്ന പ്രവാസികളോട് കേന്ദ്ര- സംസ്ഥാന സർക്കാറുകളുടെ നീതിനിഷേധത്തിനെതിരെ പ്രവാസിലീഗ് സംസ്ഥാന കമ്മിറ്റിയുടെ ആഹ്വാനപ്രകാരം നടത്തുന്ന അവകാശ സമരത്തിൻ്റെ ഭാഗമായി മറ്റന്നാൾ (26 ന് )കണ്ണൂർ കലക്ട്രേറ്റിന് മുന്നിൽ പ്രതിഷേധ മാർച്ചും ധർണ്ണയും നടത്തും. നിർദ്ദിഷ്ട പ്രവാസി ഇൻഷൂറൻസ് പദ്ധതിയിൽ തിരിച്ചു വന്ന പ്രവാസികളെയും ഉൾപ്പെടുത്തുക, 60 കഴിഞ്ഞ പ്രവാസികളെ പെൻഷനട ക്കമുള്ള ക്ഷേമനിധിയിൽ ഉൾപ്പെടുത്തുക,പ്രവാസി പുനരധിവാസ പദ്ധതികൾ നടപ്പിലാക്കുക, മടങ്ങിയെത്തിയ പ്രവാസികൾക്ക് തിരിച്ചറിയൽ കാർഡ് നൽകുക, യഥാസമയം പെൻഷൻ വിതരണം ചെയ്യുക തുടങ്ങിയ ആവശ്യങ്ങളുന്നയിച്ചാണ് പ്രതിഷേധം സംഘടിപ്പിക്കുന്നത്. വ്യാഴം രാവിലെ 10 മണിക്ക് പ്രവാസിലീഗ് സംസ്ഥാന പ്രസിഡൻ്റ് ഹനീഫ മുന്നിയൂർ അവകാശ സമരം ഉദ്ഘാടനം ചെയ്യും. മുസ്ലിംലീഗ് ജില്ലാ പ്രസിഡൻ്റ് അഡ്വ. അബ്ദുൽ കരീം ചേലേരിമുഖ്യാതിഥിയാവും. രാവിലെ 9:30 ന് ബാഫഖി തങ്ങൾ പരിസരത്തു നിന്ന് പ്രകടനമായാണ് കലക്ട്രേറ്റിന് മുന്നിൽ എത്തുന്നത്. പ്രതിഷേധ സംഗമത്തിൻ്റെ മുന്നൊരുക്കങ്ങൾക്കായി എല്ലാ മണ്ഡലങ്ങളിലും സമര പ്രഖ്യാപന സ്പെഷ്യൽ കൺവെൻഷനുകൾ ചേർന്നു. പ്രതിഷേധ സമരവുമായി ബന്ധപ്പെട്ട കാര്യങ്ങൾക്ക് പ്രവാസി ലീഗ് ജില്ലാ ഭാരവാഹികളുടെ യോഗം അന്തിമ രൂപം നൽകി. പ്രസിഡൻ്റ് സി പി വി അബ്ദുല്ല അധ്യക്ഷത വഹിച്ചു. സംസ്ഥാന വൈസ് പ്രസിഡൻ്റ് കെ സി അഹമ്മദ് ഉദ്ഘാടനം ചെയ്തു. ജനറൽ സെക്രട്ടറി യുപി അബ്ദുറഹ്മാൻ സ്വാഗതവും ഖാദർ മുണ്ടേരി നന്ദിയും പറഞ്ഞു. പി എം മുഹമ്മദ് കുഞ്ഞി ഹാജി, കെ പി ഇസ്മായിൽ ഹാജി, ഇകെ ജലാലുദ്ദീൻ, നാസർ കേളോത്ത്, മുനവ്വർ അഹമ്മദ്, ,എം മൊയ്തീൻ ഹാജി പ്രസംഗിച്ചു

Pravasi League