ഇന്‍കംടാക്സ് ഓഫിസര്‍ ചമഞ്ഞ് തട്ടിപ്പ്; കണ്ണൂരിലെ ജ്വല്ലറിയില്‍ നിന്ന് അഞ്ച് പവന്‍ നഷ്ടമായി

By | Friday October 30th, 2020

SHARE NEWS

കണ്ണൂര്‍: ഇന്‍കംടാക്സ് ഓഫിസറാണെന്ന് പരിചയപ്പെടുത്തി കണ്ണൂരിലെ ഒരു ജ്വല്ലറിയില്‍ നിന്ന് യുവാവ് സ്വര്‍ണവുമായി മുങ്ങി. നഗരത്തിനടുത്ത ജ്വല്ലറിയില്‍ നിന്ന് അഞ്ചേകാല്‍ തൂക്കം വരുന്ന മാലയും രണ്ട് മോതിരവുമായാണ് യുവാവ് മുങ്ങിയത്. കഴിഞ്ഞ ദിവസം മൂന്നരയോടെയാണ് ബാംഗ്ലൂര്‍ സ്വദേശിയെന്ന് സംശയിക്കുന്ന യുവാവ് കാറില്‍ ജ്വല്ലറിയില്‍ എത്തിയത്.

ഇന്‍കംടാക്സ് ഓഫിസറാണെന്ന് സ്വയം പരിചയപ്പെടുത്തി സ്വര്‍ണാഭരണങ്ങള്‍ സെലക്ട് ചെയ്ത് എടുക്കുകയായിരുന്നു. ഇതിന്റെ വിലയായ 2.25 ലക്ഷം രൂപ ഗൂഗിള്‍ പേ വഴി അയച്ചിട്ടുണ്ടെന്ന് ബോധ്യപ്പെടുത്തുകയും ചെയ്തു. എന്നാല്‍ ഗൂഗിള്‍ പേ വഴി മണിക്കൂറുകള്‍ കഴിഞ്ഞിട്ടും പണം വരാത്തതിനെ തുടര്‍ന്ന് അന്വേഷിച്ചപ്പോഴാണ് ഇയാള്‍ കബിളിപ്പിച്ചതാണെന്ന് മനസിലായത്. തൊട്ടടുത്ത ജ്വല്ലറികളില്‍ ആഭരണങ്ങള്‍ സെലക്ട് ചെയ്ത് മടങ്ങിയ കാര്യവും അറിഞ്ഞു. ഈ പരിസരത്തെ സി.സി.ടി.വികളില്‍ ഇയാളുടെ ചിത്രം പതിഞ്ഞിട്ടുണ്ട്.

ടാക്സി കാറിലാണ് നഗരത്തില്‍ എത്തിയത്. നന്നായി ഇംഗ്ലീഷും ഹിന്ദിയും സംസാരിക്കുന്ന യുവാവാണ് തട്ടിപ്പ് നടത്തിയത്. കാഞ്ഞങ്ങാടും ഇതേ രീതിയില്‍ സ്വര്‍ണാഭരണങ്ങള്‍ തട്ടാന്‍ ഇയാള്‍ ശ്രമം നടത്തിയിരുന്നു. വ്യാപാരി ജാഗ്രത പുലര്‍ത്തിയതിനാല്‍ ഇയാളുടെ തട്ടിപ്പ് നടന്നില്ല. കണ്ണൂര്‍ ടൗണ്‍ പോലിസ് ജ്വല്ലറി ഉടമയുടെ പരാതിയില്‍ കേസെടുത്ത് അന്വേഷണം ആരംഭിച്ചു.

ചുവടെ കൊടുക്കുന്ന അഭിപ്രായങ്ങള്‍ തളിപറമ്പ് ന്യൂസിന്റേതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read