ലോക്ക് ഡൗണില്‍ അടഞ്ഞു കിടക്കുന്ന വ്യാപാര സ്ഥാപനങ്ങളുടെ വാടകയില്‍ ഇളവ് പ്രഖ്യാപിച്ചു

By | Thursday June 10th, 2021

SHARE NEWS

തളിപ്പറമ്പ്: കോവിഡ് കാലത്ത് അടഞ്ഞു കിടക്കുന്ന വ്യാപാരസ്ഥാപനങ്ങള്‍ക്ക് സര്‍ക്കാരിന്റെ ശുപാര്‍ശ പ്രകാരം കെട്ടിടങ്ങളുടെ വാടകയില്‍ ഇളവ് നല്‍കാന്‍ ബില്‍ഡിങ് ഓണേഴ്സ് അസോസിയേഷന്‍ സംസ്ഥാന-ജില്ലാ കമ്മിറ്റിയുടെ തീരുമാനമായി. വ്യാപാരി വ്യവസായി ഏകോപന സമിതി തളിപ്പറമ്പ് മെര്‍ചന്റ്സ് അസോസിയേഷനാണ് ഇക്കാര്യം അറിയിച്ചത്. തളിപ്പറമ്പിലും വിവിധ സ്ഥലങ്ങളില്‍ അടഞ്ഞു കിടക്കുന്ന കെട്ടിടങ്ങളുടെ വാടകയുമായി ബന്ധപ്പെട്ട് മുന്‍കാലങ്ങളില്‍ നിരവധി ചര്‍ച്ചകള്‍ നടന്നിരുന്നു. രണ്ടാം ഘട്ട ലോക്ക്ഡൗണ്‍ പ്രഖ്യാപനവും കൂടി വന്നതോടെയാണ് കെട്ടിടങ്ങളുടെ വാടകയില്‍ ഇളവ് വരുത്താന്‍ തീരുമാനമായത്.

ഭൂരിഭാഗം സ്ഥലങ്ങളിലും തര്‍ക്കങ്ങളോ അഭിപ്രായ വ്യത്യാസങ്ങള്‍ ഒന്നും തന്നെ ഇല്ലാതെയാണ് ഈ ഒരു തീരുമാനത്തിലെത്തിയതെങ്കിലും തളിപ്പറമ്പിലെ മുഴുവന്‍ വ്യാപാരികള്‍ക്കും കെട്ടിട വാടകയില്‍ ഇളവ് നല്‍കുന്നതിന് കെട്ടിട ഉടമകള്‍ക്ക് നിര്‍ദ്ദേശം നല്‍കണമെന്നാവശ്യപ്പെട്ട് തളിപ്പറമ്പ് മെര്‍ചന്റ്സ് അസോസിയേഷന്‍ ബില്‍ഡിംഗ് ഓണേര്‍സ് പ്രസിഡന്റ് റഹീം ഹാജിക്ക് നിവേദനം നല്‍കി.

ചുവടെ കൊടുക്കുന്ന അഭിപ്രായങ്ങള്‍ തളിപറമ്പ് ന്യൂസിന്റേതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read