Categories
headlines

പയ്യാമ്പലം ബീച്ചിൽ കൊവിഡ് ബാധിച്ച് മരിച്ചവരുടെ മൃതദേഹം അവശിഷ്ടങ്ങൾ തള്ളി എന്ന തരത്തിൽ ഉള്ള ആരോപണങ്ങൾക്ക് എതിരെ കണ്ണൂർ കോർപ്പറേഷൻ മേയർ

തളിപ്പറമ്പ്: കോവിഡ് ബാധിച്ച് മരിച്ചവരുടെ മൃതദേഹവശിഷ്ടങ്ങള്‍ ശ്മശാനത്തില്‍ നിന്നും കോരി മാറ്റി പയ്യാമ്പലം ബീച്ചില്‍ തള്ളിയതായി നേരത്തെ റിപ്പോര്‍ട്ടുകള്‍ വന്നിരുന്നു. രാവിലെ ബീച്ചില്‍ നടക്കാനിറങ്ങിയവരാണ് സംഭവം കണ്ടെത്തിയത്. തുടര്‍ന്ന് അധികൃതരെ അറിയിക്കുകയായിരുന്നു.

ഇതിനെതിരെയാണ് ഇപ്പോള്‍ മേയര്‍ രംഗത്തെത്തിയിരിക്കുന്നത്. ആരോപണങ്ങള്‍ തികച്ചും വസ്തുതാവിരുദ്ധമാണെന്ന് മേയര്‍ പ്രസ്താവനയിലൂടെ അറിയിച്ചു.

മേയറുടെ പ്രസ്താവന

പയ്യാമ്പലത്ത് മൃതദേഹത്തോട് അനാദരവ് കാണിച്ചു എന്ന നിലയിൽ ചില കേന്ദ്രങ്ങളിൽനിന്ന് വന്ന വാർത്തയും അതിനോടുള്ള ചിലരുടെ പ്രതികരണങ്ങളും
ഈ വിഷയത്തിൽ ഗൂഢാലോചന സംശയിക്കത്തക്ക രീതിയിൽ ആണെന്ന്
മേയർ അഡ്വ ടി. ഒ. മോഹനൻ പറഞ്ഞു.

പയ്യാമ്പലത്ത് നേരത്തെ നടന്നുകൊണ്ടിരുന്ന കോവിഡ് ബാധിതരുടെ ശവസംസ്കാര വുമായി ബന്ധപ്പെട്ട് ചില ആരോപണങ്ങൾ ഉയർന്നതിനെതുടർന്ന് ശവസംസ്കാരം കോർപ്പറേഷൻ നേരിട്ട് ഏറ്റെടുക്കുകയും,
മറ്റൊരു തദ്ദേശസ്വയംഭരണ സ്ഥാപനവും നൽകാത്ത വിധം ആംബുലൻസ് സേവനം ഉൾപ്പെടെ നൽകി തീർത്തും സൗജന്യമായി കോവിഡ് ബാധിതരുടെ മൃതദേഹങ്ങൾ സംസ്കരിക്കുകയും,
ഇതുവരെയായി 103 മൃതദേഹങ്ങൾ സംസ്കരിക്കുകയും ചെയ്തിട്ടുണ്ട്.

ജനങ്ങൾക്ക് ആശ്വാസകരമായ ഇത്തരം പല പ്രവർത്തികളും കോർപ്പറേഷൻ ഏറ്റെടുത്തത് മുതൽ ചിലർ ഒളിഞ്ഞും തെളിഞ്ഞും കോർപ്പറേഷനെതിരെ ആരോപണങ്ങളുമായി വരികയാണ്.
അതിന്റെ ഭാഗമായി മാത്രമേ ഇതിനെയും കാണാൻ സാധിക്കുകയുള്ളൂ.

കോർപ്പറേഷന് യാതൊരു ബന്ധവും ഇല്ലാത്ത ഒരു സംഭവത്തിൽ കോർപ്പറേഷന് മേൽ കെട്ടിവെച്ച് പഴിചാരുന്നതിന് പിന്നിൽ ചിലരുടെ ഗൂഢലക്ഷ്യങ്ങൾ ഉണ്ടെന്ന് മേയർ പറഞ്ഞു.

കോർപ്പറേഷനെ ഇകഴ്ത്തി കാണിക്കുന്ന ഇത്തരക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ടുകൊണ്ട് ബഹു. മുഖ്യമന്ത്രി, തദ്ദേശസ്വയംഭരണ വകുപ്പ് മന്ത്രി,
ജില്ലാ കളക്ടർ എന്നിവർക്ക് പരാതി നൽകിയിട്ടുണ്ട്.

തളിപ്പറമ്പ ന്യൂസ് ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

RELATED NEWS

Leave a Reply

Your email address will not be published. Required fields are marked *

NEWS ROUND UP