28 അടി ആഴമുള്ള കിണറ്റില്‍ നിന്നും മൂര്‍ഖനെ രക്ഷപ്പെടുത്തി

By | Wednesday June 9th, 2021

SHARE NEWS

തളിപ്പറമ്പ്: 28 കോല്‍ ആഴമുള്ള കിണറ്റില്‍ കാണപ്പെട്ട മൂര്‍ഖന്‍ പാമ്പിനെ രക്ഷപ്പെടുത്തി വൈല്‍ഡ് ലൈഫ് റസ്‌ക്യു അംഗം. പട്ടുവം മാധവനഗറിലെ ടി.പി.ഗംഗാധരന്റ വീട്ടിലെ കിണറ്റിലാണ് മൂര്‍ഖനെ കണ്ടെത്തിയത്. വിവരമറിഞ്ഞെത്തിയ
തളിപ്പറമ്പ് ഫോറസ്റ്റ് സ്റ്റേഷനിലെ ആര്‍ ആര്‍ ടി അംഗവും കൂടിയായ വൈല്‍ഡ് ലൈഫ് റസ്‌ക്യു അംഗം ഷാജി ബക്കളം സ്ഥലത്തെത്തി പാമ്പിനെ രക്ഷിക്കുകയായിരുന്നു.

ദിവസവും തന്റെ വീട്ടു കിണര്‍ നിരീക്ഷിക്കുന്ന വ്യക്തയാണ് ഗംഗാധരന്‍. കഴിഞ്ഞ ദിവസവും ഇതുപോലെ കിണര്‍ നിരീക്ഷിച്ചപ്പോഴാണ് പാമ്പിനെ കിണറ്റില്‍ കണ്ടെത്തിയത്. പാമ്പിനെ കരയ്ക്ക് കയറ്റുന്നതിനു വേണ്ടി ഗംഗാധരന്‍ കിണറ്റിലേക്ക് കയറിട്ട് കൊടുത്തു. പാമ്പ് ഫണം വിടര്‍ത്തി ചീറ്റുന്നതിനാല്‍ രക്ഷപ്പടുത്താനുള്ള ശ്രമം പരാജയപ്പെട്ടും.

പിന്നീട് ഗംഗാധരന്‍ ഫയര്‍ ആന്‍ഡ് റസ്‌ക്യു ഫോഴ്‌സിലെ ഒരു ഉദ്യോഗസ്ഥനുമായി ബന്ധപ്പെട്ടു. പാമ്പിനെ പിടികൂടി രക്ഷപ്പെടുത്താനുള്ള നിയമം അനുവദിക്കുന്നില്ലെന്ന് ഉദ്യോഗസ്ഥന്‍ അറിയിച്ചതിനെ തുടര്‍ന്ന്. ഗംഗാധരന്‍ തളിപ്പറമ്പ് ഫോറസ്റ്റ് റെയിഞ്ച് ഓഫീസുമായി ബന്ധപ്പെട്ടു സഹായം തേടുകയായിരുന്നു. കിണറ്റില്‍ ഇറങ്ങാതെ തന്നെ റിംഗുകളുള്ള ഹാങ്ങര്‍ ഉപയോഗിച്ച് പരിക്കുപറ്റാതെ പാമ്പിനെ കിണറ്റില്‍ നിന്നും ഷാജി പുറത്തേക്ക് എടുക്കുകയായിരുന്നു. കിണറ്റില്‍ നിന്നും രക്ഷപ്പെടുത്തി പാമ്പിനെ കരക്ക് എത്തിച്ചപ്പോഴാണ് മൂര്‍ഖന്‍ പാമ്പാണെന്ന് തിരിച്ചറിഞ്ഞത്. രണ്ട് വയസ് പ്രായമുള്ള മൂര്‍ഖന് നാലടി നീളമുണ്ട്. ഫോറസ്റ്റ് ഓഫീസില്‍ റിപ്പോര്‍ട്ട് നല്കിയ ശേഷം പാമ്പിനെ അതിന്റെ ആവാസസ്ഥലത്തേക്ക് വിട്ടയച്ചു.

ചുവടെ കൊടുക്കുന്ന അഭിപ്രായങ്ങള്‍ തളിപറമ്പ് ന്യൂസിന്റേതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read