---
title: "ഇരിക്കൂർ പടിയൂരിൽ യുവാവ് കുത്തേറ്റു മരിച്ച സംഭവത്തിൽ പ്രതി അറസ്റ്റിൽ"
english_title: "murder at padiyoor "
publisher: "thaliparambanews.in"
canonical_url: "https://thaliparamba.truevisionnews.com/news/88079/murder-at-padiyoor"
published_at: "2022-12-30T20:55:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63af0307b4912_DSC_7464_(1).JPG"
keywords: []
---

# ഇരിക്കൂർ പടിയൂരിൽ യുവാവ് കുത്തേറ്റു മരിച്ച സംഭവത്തിൽ പ്രതി അറസ്റ്റിൽ

> **Lead Summary:** **ഇരിക്കൂർ:- **ഇരിക്കൂർ പടിയൂരിൽ യുവാവ് കുത്തേറ്റു മരിച്ച സംഭവത്തിൽ പ്രതി അറസ്റ്റിൽ. ആര്യങ്കോട്ടെ പാപ്പച്ചനെയാണ് ഇരിക്കൂർ പോലീസ് അറസ്റ്റ് ചെയ്തത്. ആര്യങ്കോട് കോളനിയിലെ വിഷ്ണുവിനെയാണ് കുത്തിക്കൊലപ്പെടുത്തിയത്. നെഞ്ചിൽ ആഴമുള്ള മുറിവാണ് മരണകാരണമെന്നാണ് പോസ്റ്റുമോർട്ടം റിപ്പോർട്ടിൽ പറയുന്നത്. ഇരിക്കൂർ പടിയൂരിലെ ആര്യങ്കോട് കോളനിയിലെ ദളിത് യുവാവായ വിഷ്ണു വാണ് വ്യാഴാഴ്ച സന്ധ്യയോടെ കൊല്ലപ്പെട്ടത്. വിഷ്ണുവിന്റെ അമ്മ രാധ വീട്ടിൽ നിന്നും വെള്ളമെടുക്കാൻ പുറത്ത് പോകാൻ ഒരുങ്ങുമ്പോഴാണ് പുറത്തു പോയിരിക്കുകയായിരുന്ന വിഷ്ണു മടങ്ങിയെത്തിയത്. കുറച്ചു സമയം കഴിഞ്ഞ് അമ്മ പുറത്തേക്കിറങ്ങുമ്പോൾ വിഷ്ണു വീട്ടിൽ നിൽപ്പുണ്ടായിരുന്നുവെന്ന് ഇവർ പോലീസിന് മൊഴി നൽകിയിട്ടുണ്ട്. അമ്മ വെള്ളമെടുത്ത് വീട്ടിൽ വന്നപ്പോൾ അബോധാവസ്ഥയിൽ ചെരിഞ്ഞു കിടക്കുന്ന വിഷ്ണുവിനെയാണ് കണ്ടത്. അമ്മയുടെ കരച്ചിൽ കേട്ടെത്തിയ അയൽവാസികൾ നെഞ്ചിൽ നിന്നും ചോരയൊലിച്ചു അർധബോധാവസ്ഥയിലായ വിഷ്ണുവിനെ ഇരിട്ടി താലുക്ക് ആശുപത്രിയിലെത്തിച്ചുവെങ്കിലും വഴിമധ്യേ മരണമടയുകയായിരുന്നു. കൊല നടക്കുന്ന സമയത്ത് പാപ്പച്ചൻ അവിടെ വന്നിരുന്നുവെന്ന അയൽവാസികൾ പോലീസിന് നൽകിയ മൊഴിയാണ് പ്രതിയെ പിടികൂടാൻ അന്വേഷണ സംഘത്തെ സഹായിച്ചത്. വ്യക്തിപരമായ വൈരാഗ്യമാണ് കൊലപാതകത്തിന് കാരണമെന്നാണ് പോലീസ് സംശയിക്കുന്നത്. ഒളിവിൽ കഴിയുന്ന പാപ്പച്ചനായി ഇരിക്കൂർ പോലീസ് തെരച്ചിൽ നടത്തി മണിക്കൂറുകൾക്കുള്ളിൽ പിടികൂടുകയായിരുന്നു. കാർഷിക ജോലികൾ ചെയ്തു ജീവിക്കുന്ന തൊഴിലാളിയാണ് വിഷ്ണു. സുകുമാരൻ - രാധ ദമ്പതികളുടെ മകനാണ്. സഹോദരൻ ജിഷ്ണു

## Article Content

**ഇരിക്കൂർ:- **ഇരിക്കൂർ പടിയൂരിൽ യുവാവ് കുത്തേറ്റു മരിച്ച സംഭവത്തിൽ പ്രതി അറസ്റ്റിൽ. ആര്യങ്കോട്ടെ പാപ്പച്ചനെയാണ് ഇരിക്കൂർ പോലീസ് അറസ്റ്റ് ചെയ്തത്. ആര്യങ്കോട് കോളനിയിലെ വിഷ്ണുവിനെയാണ് കുത്തിക്കൊലപ്പെടുത്തിയത്. നെഞ്ചിൽ ആഴമുള്ള മുറിവാണ് മരണകാരണമെന്നാണ് പോസ്റ്റുമോർട്ടം റിപ്പോർട്ടിൽ പറയുന്നത്. ഇരിക്കൂർ പടിയൂരിലെ ആര്യങ്കോട് കോളനിയിലെ ദളിത് യുവാവായ വിഷ്ണു വാണ് വ്യാഴാഴ്ച സന്ധ്യയോടെ കൊല്ലപ്പെട്ടത്. വിഷ്ണുവിന്റെ അമ്മ രാധ വീട്ടിൽ നിന്നും വെള്ളമെടുക്കാൻ പുറത്ത് പോകാൻ ഒരുങ്ങുമ്പോഴാണ് പുറത്തു പോയിരിക്കുകയായിരുന്ന വിഷ്ണു മടങ്ങിയെത്തിയത്. കുറച്ചു സമയം കഴിഞ്ഞ് അമ്മ പുറത്തേക്കിറങ്ങുമ്പോൾ വിഷ്ണു വീട്ടിൽ നിൽപ്പുണ്ടായിരുന്നുവെന്ന് ഇവർ പോലീസിന് മൊഴി നൽകിയിട്ടുണ്ട്. അമ്മ വെള്ളമെടുത്ത് വീട്ടിൽ വന്നപ്പോൾ അബോധാവസ്ഥയിൽ ചെരിഞ്ഞു കിടക്കുന്ന വിഷ്ണുവിനെയാണ് കണ്ടത്. അമ്മയുടെ കരച്ചിൽ കേട്ടെത്തിയ അയൽവാസികൾ നെഞ്ചിൽ നിന്നും ചോരയൊലിച്ചു അർധബോധാവസ്ഥയിലായ വിഷ്ണുവിനെ ഇരിട്ടി താലുക്ക് ആശുപത്രിയിലെത്തിച്ചുവെങ്കിലും വഴിമധ്യേ മരണമടയുകയായിരുന്നു. കൊല നടക്കുന്ന സമയത്ത് പാപ്പച്ചൻ അവിടെ വന്നിരുന്നുവെന്ന അയൽവാസികൾ പോലീസിന് നൽകിയ മൊഴിയാണ് പ്രതിയെ പിടികൂടാൻ അന്വേഷണ സംഘത്തെ സഹായിച്ചത്. വ്യക്തിപരമായ വൈരാഗ്യമാണ് കൊലപാതകത്തിന് കാരണമെന്നാണ് പോലീസ് സംശയിക്കുന്നത്. ഒളിവിൽ കഴിയുന്ന പാപ്പച്ചനായി ഇരിക്കൂർ പോലീസ് തെരച്ചിൽ നടത്തി മണിക്കൂറുകൾക്കുള്ളിൽ പിടികൂടുകയായിരുന്നു. കാർഷിക ജോലികൾ ചെയ്തു ജീവിക്കുന്ന തൊഴിലാളിയാണ് വിഷ്ണു. സുകുമാരൻ - രാധ ദമ്പതികളുടെ മകനാണ്. സഹോദരൻ ജിഷ്ണു

### Related Links & Sources
- [Original Story Source](https://thaliparamba.truevisionnews.com/news/88079/murder-at-padiyoor)