---
title: "'എനിക്ക് ആരെയും ഭയമില്ല, എന്നെയും ഭയപ്പെടേണ്ട'; പരിപാടിയില്‍ വരാത്തവര്‍ വരേണ്ടെന്ന് തരൂർ"
english_title: "shashi-tharoor"
publisher: "thaliparambanews.in"
canonical_url: "https://thaliparamba.truevisionnews.com/news/83211/shashi-tharoor"
published_at: "2022-12-03T17:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/638b351f4077a_WhatsApp_Image_2022-12-03_at_5.07.39_PM.jpeg"
keywords: []
---

# 'എനിക്ക് ആരെയും ഭയമില്ല, എന്നെയും ഭയപ്പെടേണ്ട'; പരിപാടിയില്‍ വരാത്തവര്‍ വരേണ്ടെന്ന് തരൂർ

> **Lead Summary:** തിരുവനന്തപുരം: തനിക്ക് ആരേയും ഭയമില്ലെന്ന് ശശി തരൂര്‍ എംപി. ഡിസിസി പ്രസിഡന്റുമാരെ അറിയിച്ച ശേഷം മാത്രമേ പരിപാടികളില്‍ പങ്കെടുക്കാറുള്ളു. എന്റെ ഭാഗത്ത് ഒരു തെറ്റുമില്ല. ഞാന്‍ ഒരു തുറന്ന പുസ്തകമാണ്. പരിപാടിയില്‍ വരാത്തവര്‍ വരേണ്ട. എനിക്ക് ആരേയും ഭയമില്ല. എന്നേയും ഭയപ്പെടേണ്ട. കോട്ടയത്തെ പരിപാടികളില്‍ പങ്കെടുക്കുമെന്നും തരൂര്‍ വ്യക്തമാക്കി.

## Article Content

തിരുവനന്തപുരം: തനിക്ക് ആരേയും ഭയമില്ലെന്ന് ശശി തരൂര്‍ എംപി. ഡിസിസി പ്രസിഡന്റുമാരെ അറിയിച്ച ശേഷം മാത്രമേ പരിപാടികളില്‍ പങ്കെടുക്കാറുള്ളു. എന്റെ ഭാഗത്ത് ഒരു തെറ്റുമില്ല. ഞാന്‍ ഒരു തുറന്ന പുസ്തകമാണ്. പരിപാടിയില്‍ വരാത്തവര്‍ വരേണ്ട. എനിക്ക് ആരേയും ഭയമില്ല. എന്നേയും ഭയപ്പെടേണ്ട. കോട്ടയത്തെ പരിപാടികളില്‍ പങ്കെടുക്കുമെന്നും തരൂര്‍ വ്യക്തമാക്കി.

തന്നെ പരിപാടിയില്‍ ക്ഷണിച്ചത് യൂത്ത് കോണ്‍ഗ്രസാണ്. വരേണ്ടത്തവര്‍ വരേണ്ടത്തവര്‍ വരണ്ടെന്നും അവര്‍ക്ക് വേണമെങ്കില്‍ പരിപാടി യൂട്യൂബില്‍ കാണാമെന്നും തരൂര്‍ പറഞ്ഞു.നിരവധി പ്രസംഗങ്ങള്‍ കഴിഞ്ഞ കാലത്ത് താന്‍ നടത്തിയിട്ടുണ്ട്. അന്നൊന്നും ഇല്ലാത്ത പ്രശ്‌നങ്ങളാണ് ഈ രണ്ട് മാസത്തിനിടയില്‍ നടന്നതെന്ന് പറഞ്ഞ ശശി തരൂര്‍ വ്യക്തമാക്കി. വിഴിഞ്ഞം വിവാദം നല്ല രീതിയില്‍ അല്ല പോകുന്നതെന്നും എഫ്‌ഐആര്‍ വേണ്ടായിരുന്നുവെന്നും അദ്ദേഹം പ്രതികരിച്ചു.മത്സ്യത്തൊഴിലാളികള്‍ വികസന വിരുദ്ധരോ ദേശ വിരുദ്ധരോ അല്ലെന്നും തരൂർ കൂട്ടിച്ചേര്‍ത്തു. പരിപാടിയെ കുറിച്ച് തന്നെ അറിയിക്കാത്തതിനാല്‍ തരൂരിനൊപ്പം യൂത്ത് കോണ്‍ഗ്രസ് വേദിയില്‍ എത്തില്ലെന്ന് കോട്ടയം ഡിസിസി പ്രസിഡന്റ് നാട്ടകം സുരേഷ് പ്രതികരിച്ചിരുന്നു. താരിഖ് അന്‍വറിന്റെയും അച്ചടക്ക സമിതിയുടെയും നിര്‍ദ്ദേശം ലംഘിക്കപ്പെട്ടുവെന്ന് നാട്ടകം സുരേഷ് അറിയിച്ചിരുന്നു.
ശശി തരൂരിനെതിരെ എഐസിസിക്ക് പരാതി നല്‍കാന്‍ നീക്കം കോട്ടയം ഡിസിസി ശക്തമാക്കി. തരൂരിനെതിരെ എഐസിസിക്ക് രേഖാമൂലം പരാതി നല്‍കുമെന്ന് ഡിസിസി പ്രസിഡന്റ് നാട്ടകം സുരേഷ് വ്യക്തമാക്കി. താരിഖ് അന്‍വറിന്റേയും അച്ചടക്ക സമിതിയുടേയും നിര്‍ദേശങ്ങള്‍ ശശി തരൂര്‍ ലംഘിച്ചു. പാര്‍ട്ടിയുടെ മര്യാദ എന്ത് എന്ന് തരൂരിന് മനസിലായിട്ടില്ലെന്നാണ് തോന്നുന്നത്. കീഴ്‌വഴക്കങ്ങള്‍ പാലിച്ചുപോകുന്ന പാര്‍ട്ടിയെന്ന നിലയില്‍ ശശി തരൂരിന്റെ നീക്കങ്ങള്‍ അംഗീകരിക്കാനാകില്ലെന്നും നാട്ടകം സുരേഷ് പറഞ്ഞു.

### Related Links & Sources
- [Original Story Source](https://thaliparamba.truevisionnews.com/news/83211/shashi-tharoor)