കണ്ണൂർ: നിത്യോപയോഗ സാധനങ്ങളുടെ രൂക്ഷമായ വിലക്കയറ്റത്തിനെതിരെയും സി.പി.എം ലഹരി മാഫിയ കൂട്ടുകെട്ടിനെതിരെയും ഐക്യജനാധിപത്യ മുന്നണിയുടെ ആഭിമുഖ്യത്തിൽ നാളെ (വെള്ളി) ജില്ലയിൽ മുൻസിപ്പൽ -പഞ്ചായത്ത് - മേഖല തലങ്ങളിൽ പദയാത്ര നടത്തും. വൈകുന്നേരം 3 മണി മുതൽ നടത്തുന്ന പദയാത്രയുടെ സമാപനത്തോടനുബന്ധിച്ച് ജില്ലയിലെ എല്ലാ കേന്ദ്രങ്ങളിലും പ്രതിഷേധ പൊതുയോഗങ്ങളും സംഘടിപ്പിക്കും.. യു.ഡി.എഫ് ജില്ലാ ചെയർമാൻ പി.ടി മാത്യു പയ്യാവൂരിലും കൺവീനർ അഡ്വ:അബ്ദുൽ കരീം ചേലേരി അഴീക്കോട്പഞ്ചായത്തിലെ പൂതപ്പാറയിലും ഡി.സി.സി. പ്രസിഡണ്ട് മാർട്ടിൻ ജോർജ്ജ് തോട്ടടയിലും പദയാത്ര ഉദ്ഘാടനംചെയ്യും. മറ്റ്ഘടകകക്ഷി നേതാക്കൾ ജില്ലയിലെ വിവിധ ഇടങ്ങളിൽ പദയാത്രകൾ ഉദ്ഘാടനം ചെയ്യും. പദയാത്ര വിജയിപ്പിക്കാൻ യുഡിഎഫ് ജില്ലാ കമ്മിറ്റി മുഴുവൻ പ്രവർത്തകരോടും ആഹ്വാനം ചെയ്തു.
udf padayathra
