കണ്ണൂർ എക്സൈസ് റേഞ്ച് ഇൻസ്പെക്ടർ സിനു കൊയില്യത്തിൻ്റെ നേതൃത്വത്തിൽ കണ്ണൂർ ഭാഗത്തു നടത്തിയ പരിശോധനയിൽ കണ്ണൂറിലെ പാലക്കാടൻ സ്വാമി മഠത്തിനു സമീപം വെച്ച് KL 13 E 7083 സാൻട്രോ ജി ബി കാറിൽ കടത്തി കൊണ്ടു വന്ന പുതുച്ചേരി സംസ്ഥാനത്തു മാത്രം വില്പനവകാശമുള്ള 729 കുപ്പി മദ്യവുമായിചെങ്ങളായി സ്വദേശി പിടിയിൽ. ചെങ്ങളായി തുണ്ടത്തിൽ വീട്ടിൽ അഗസ്റ്റിൻ ടി എം എന്നയാളെയാണ് അറസ്റ്റ് ചെയ്തത്. ആഴ്ച്ചകളോളം എക്സൈസിൻ്റെ നിരീക്ഷണത്തിലായിരുന്നു ഇയാൾ. കണ്ണൂർ ടൌൺ ഭാഗത്തു വ്യാപകമായി പുതുചേരി മദ്യം എത്തിക്കുന്ന സംഘത്തിലെ പ്രാധാനിയാണ് അറസ്റ്റിലായ അഗസ്റ്റിൻ. പുതുചേരി മദ്യ വിൽപ്പന വ്യാപകമാക്കിയതിനെത്തുടർന്ന് എക്സൈസിൻ്റെ പരിശോധന കർശന മാക്കിയിരിക്കുകയാണ്. കേസ് കണ്ടെടുത്ത പാർട്ടിയിൽ പ്രി വന്റീവ് ഓഫീസർ മാരായ സർവ്വജ്ഞൻ , പ്രവീൺ എൻ വി, പ്രിവന്റ്റീവ് ഓഫീസർ (ഗ്രേഡ് ) ദിനേശൻ പി കെ, സിവിൽ എക്സൈസ് ഓഫീസർമാരായ രജിത്ത് കുമാർ എൻ , സജിത്ത് എം, റോഷി കെ പി, സീനിയർ എക്സൈസ് ഡ്രൈവർ അജിത്ത് സി എന്നിവരും ഉണ്ടായിരുന്നു. പ്രതിയെ ബഹു. കണ്ണൂർ ജുഡീഷ്യൽ മജിസ്ട്രേറ്റ് കോടതി I മുമ്പാകെ ഹാജരാക്കി 14 ദിവസത്തേക്ക് റിമാൻഡ് ചെയ്തു.
puthuchery liquer
