---
title: "പ്ലാസ്റ്റിക് ഉപയോഗം, പരിശോധനക്ക് തടസം നിന്നാല്‍ ശക്തമായ നടപടി; ജില്ലാ കലക്ടര്‍"
english_title: "plastic use"
publisher: "thaliparambanews.in"
canonical_url: "https://thaliparamba.truevisionnews.com/news/79408/plastic-use"
published_at: "2022-11-09T19:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/636bac06d1f71_67cc4be4-a6ab-451e-87be-5496f9d24581.jpg"
keywords: []
---

# പ്ലാസ്റ്റിക് ഉപയോഗം, പരിശോധനക്ക് തടസം നിന്നാല്‍ ശക്തമായ നടപടി; ജില്ലാ കലക്ടര്‍

> **Lead Summary:** **കണ്ണൂര്‍: **പ്ലാസ്റ്റിക് ഉപയോഗം തടയാന്‍ നടത്തുന്ന പരിശോധനക്ക് തടസം നില്‍ക്കുന്നവര്‍ക്കെതിരെ ശക്തമായ നടപടി സ്വീകരിക്കുമെന്ന് ജില്ലാ കലക്ടര്‍ എസ് ചന്ദ്രശേഖര്‍. പ്ലാസ്റ്റിക് മുക്ത കണ്ണൂര്‍ ക്യാമ്പയിന്റെ ഭാഗമായി ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ സെക്രട്ടറി, അസി. സെക്രട്ടറിമാര്‍ എന്നിവര്‍ക്ക് ജില്ലാ ഭരണകൂടം നല്‍കിയ പരിശീലനത്തിലാണ് ഇക്കാര്യം അറിയിച്ചത്. ക്യാമ്പയിന്‍ പ്രവര്‍ത്തനം ഊര്‍ജിതപ്പെടുത്താന്‍ ജനപ്രതിനിധികളുടെയും വ്യാപാരികളുടെയും യോഗം ചേരും. പ്ലാസ്റ്റിക്് ബദല്‍ ഉല്‍പന്നങ്ങളുടെ ഡിജിറ്റല്‍ ഡയറക്ടറി തയ്യാറാക്കും. ക്രിസ്മസ് ആഘോഷത്തില്‍ ഹരിത പ്രോട്ടോക്കോള്‍ ഉറപ്പാക്കാന്‍ നടപടി സ്വീകരിക്കുമെന്നും കലക്ടര്‍ അറിയിച്ചു. പരിശോധന ശക്തമാക്കുന്നതിന്റെ ഭാഗമായി ഹരിത കേരളം മിഷന്‍, ശുചിത്വമിഷന്‍, മലിനീകരണ നിയന്ത്രണ ബോര്‍ഡ്, ജിഎസ്ടി, ആര്‍ ടി ഒ എന്നിവയുടെ സഹകരണത്തോടെയാണ് പരിശീലനം നല്‍കിയത്. കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ ജില്ലാ കലക്ടര്‍ എസ് ചന്ദ്രശേഖര്‍ അധ്യക്ഷത വഹിച്ചു. ജില്ലാ മലിനീകരണ നിയന്ത്രണ ബോര്‍ഡ് എന്‍വയോണ്‍മെന്റല്‍ എന്‍ജിനിയര്‍ ബി അഭിലാഷ് ക്ലാസെടുത്തു. ഹരിത കേരളം മിഷന്‍ ജില്ലാ കോ-ഓര്‍ഡിനേറ്റര്‍ ഇ കെ സോമശേഖരന്‍, ശുചിത്വ മിഷന്‍ അസി. കോ-ഓര്‍ഡിനേറ്റര്‍മാരായ കെ ആര്‍ അജയകുമാര്‍, എ ഗിരാജ്, ജിഎസ്ടി ഡെപ്യൂട്ടി കമ്മീഷണര്‍ സുനില്‍കുമാര്‍, ആര്‍ടിഒ ഓഫീസ് പ്രതിനിധി പ്രവീണ്‍ എന്നിവര്‍ സംസാരിച്ചു.

## Article Content

**കണ്ണൂര്‍: **പ്ലാസ്റ്റിക് ഉപയോഗം തടയാന്‍ നടത്തുന്ന പരിശോധനക്ക് തടസം നില്‍ക്കുന്നവര്‍ക്കെതിരെ ശക്തമായ നടപടി സ്വീകരിക്കുമെന്ന് ജില്ലാ കലക്ടര്‍ എസ് ചന്ദ്രശേഖര്‍. പ്ലാസ്റ്റിക് മുക്ത കണ്ണൂര്‍ ക്യാമ്പയിന്റെ ഭാഗമായി ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ സെക്രട്ടറി, അസി. സെക്രട്ടറിമാര്‍ എന്നിവര്‍ക്ക് ജില്ലാ ഭരണകൂടം നല്‍കിയ പരിശീലനത്തിലാണ് ഇക്കാര്യം അറിയിച്ചത്. ക്യാമ്പയിന്‍ പ്രവര്‍ത്തനം ഊര്‍ജിതപ്പെടുത്താന്‍ ജനപ്രതിനിധികളുടെയും വ്യാപാരികളുടെയും യോഗം ചേരും. പ്ലാസ്റ്റിക്് ബദല്‍ ഉല്‍പന്നങ്ങളുടെ ഡിജിറ്റല്‍ ഡയറക്ടറി തയ്യാറാക്കും. ക്രിസ്മസ് ആഘോഷത്തില്‍ ഹരിത പ്രോട്ടോക്കോള്‍ ഉറപ്പാക്കാന്‍ നടപടി സ്വീകരിക്കുമെന്നും കലക്ടര്‍ അറിയിച്ചു. പരിശോധന ശക്തമാക്കുന്നതിന്റെ ഭാഗമായി ഹരിത കേരളം മിഷന്‍, ശുചിത്വമിഷന്‍, മലിനീകരണ നിയന്ത്രണ ബോര്‍ഡ്, ജിഎസ്ടി, ആര്‍ ടി ഒ എന്നിവയുടെ സഹകരണത്തോടെയാണ് പരിശീലനം നല്‍കിയത്. കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ ജില്ലാ കലക്ടര്‍ എസ് ചന്ദ്രശേഖര്‍ അധ്യക്ഷത വഹിച്ചു. ജില്ലാ മലിനീകരണ നിയന്ത്രണ ബോര്‍ഡ് എന്‍വയോണ്‍മെന്റല്‍ എന്‍ജിനിയര്‍ ബി അഭിലാഷ് ക്ലാസെടുത്തു. ഹരിത കേരളം മിഷന്‍ ജില്ലാ കോ-ഓര്‍ഡിനേറ്റര്‍ ഇ കെ സോമശേഖരന്‍, ശുചിത്വ മിഷന്‍ അസി. കോ-ഓര്‍ഡിനേറ്റര്‍മാരായ കെ ആര്‍ അജയകുമാര്‍, എ ഗിരാജ്, ജിഎസ്ടി ഡെപ്യൂട്ടി കമ്മീഷണര്‍ സുനില്‍കുമാര്‍, ആര്‍ടിഒ ഓഫീസ് പ്രതിനിധി പ്രവീണ്‍ എന്നിവര്‍ സംസാരിച്ചു.

### Related Links & Sources
- [Original Story Source](https://thaliparamba.truevisionnews.com/news/79408/plastic-use)