മയ്യിൽ: ഛത്തീസ്ഗഢിലെ ജഗ്ദൽപുരിനടുത്ത് ബാൻപുരിയുലുണ്ടായ വാഹനാപകടത്തിൽ കണ്ണൂർ കണ്ണാടിപ്പറമ്പ് സ്വദേശി മരിച്ചു. റായ്പുർ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ (എയിംസ്) അസി. നഴ്സിങ് സൂപ്രണ്ട് മാതോടത്തെ കരുണ നിവാസിൽ സി. സുമേഷ് (35) ആണ് മരിച്ചത്. ചൊവ്വാഴ്ച പുലർച്ചെ രണ്ടിന് ടെമ്പോ വാനിൽ എയിംസിലെ 13 നഴ്സിങ് ഓഫീസർമാരുൾപ്പെടെ 15 പേർ ജഗ്ദൽപുരിലേക്ക് യാത്രപോയതാണ്. രാവിലെ ആറിന് ബാൻപുരിയിലെ വെള്ളക്കെട്ടിനരികിലേക്ക് വാൻ മറിഞ്ഞാണ് അപകടം. വാനിലുണ്ടായിരുന്ന മലയാളികളായ ശ്രീലക്ഷ്മി (28), രോഹിണി സുരേഷ് എന്നിവർക്ക് സാരമായ പരിക്കുണ്ട്. പരിക്കേറ്റവരെ ബാൻപുരി സി.എച്ച്.സി.യിലും ജഗ്ദൽപുർ മെഡിക്കൽ കോളേജ് ആസ്പത്രിയിലും പ്രവേശിപ്പിച്ചു.
accident chathesgad