തളിപ്പറമ്പ: വിവാഹശേഷം കൂടുതൽ സ്വർണ്ണവും പണവും ആവശ്യപ്പെട്ട് ഭർത്താവും ബന്ധുക്കളും ശാരീരികവും മാനസികവുമായി പീഡിപ്പിക്കുന്ന യുവതിയുടെ പരാതിയിൽ അഞ്ചു പേർക്കെതിരെ കേസ്. പട്ടുവം അരിയിൽ സ്വദേശിനിയായ 21 കാരിയുടെ പരാതിയിലാണ് കല്യാശേരി അഞ്ചാംപീടിക സ്വദേശിയായ ഭർത്താവ് മുഹമ്മദ് ഇസ്ഹാദ് (32), ബന്ധുക്കളായ ഇബ്രാഹിം, സുറുമ, റംഷീദ, റിയ എന്നിവർക്കെതിരെ തളിപ്പറമ്പ പോലീസ് കേസെടുത്തത്.2020 നവംബറിലായിരുന്നു ഇരുവരുടെയും വിവാഹം അഞ്ചാംപീടികയിലെ ഭർതൃഗൃഹത്തിൽ വെച്ചും അരിയിലെ സ്വന്തം വീട്ടിൽ വെച്ചും മാനസികവും ശാരീരികവുമായി പീഡിപ്പിക്കുന്നുവെന്ന പരാതിയിലാണ് കേസെടുത്തത്.
domestic violance