പഴയങ്ങാടി: ഗാർഹീക പീഡന കേസിൽ ഏഴ് വർഷമായി ഒളിവിൽ കഴിയുകയായിരുന്ന പിടികിട്ടാപ്പുള്ളി അറസ്റ്റിൽ. പാപ്പിനിശേരി സ്വദേശി കെ.പി.നൗഷാദിനെ (47)യാണ് എസ്.ഐ.രൂപാ മധുസൂദനൻ്റെ നേതൃത്വത്തിൽ എസ്.ഐ.രാമചന്ദ്രനും സംഘവും അറസ്റ്റ് ചെയ്തത്.2015-ൽ മാട്ടൂൽ സ്വദേശിനിയായ ഭാര്യ നൽകിയ ഗാർഹീകപീഡന പരാതിയിൽ പോലീസ് കേസെടുത്തിരുന്നു. ഒളിവിൽ കഴിയുന്നതിനിടെ പ്രതിയെ 2020-ൽ പയ്യന്നൂർകോടതി പിടികിട്ടാപ്പുള്ളിയായി പ്രഖ്യാപിച്ചിരുന്നു. ഒളിവിൽ കഴിയുന്നതിനിടെയാണ് കണ്ണൂർ കക്കാട് വെച്ച് പ്രതിയെ പോലീസ്അറസ്റ്റ് ചെയ്തത്.കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
domestic violence case