---
title: "ക്രിമിനൽ കേസുകളിൽ പ്രതിയായ യുവാവിനെ കാപ്പ ചുമത്തി നാടുകടത്തി"
english_title: "The young man, accused in criminal cases"
publisher: "thaliparambanews.in"
canonical_url: "https://thaliparamba.truevisionnews.com/news/47934/the-young-man-accused-in-criminal-cases"
published_at: "2022-06-08T20:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/62a0bb1e05ddb_news-card.jpg"
keywords: []
---

# ക്രിമിനൽ കേസുകളിൽ പ്രതിയായ യുവാവിനെ കാപ്പ ചുമത്തി നാടുകടത്തി

> **Lead Summary:** **കണ്ണൂര്‍: **കഴിഞ്ഞ മൂന്നു വര്‍ഷത്തിനുള്ളില്‍ കണ്ണൂര്‍ സിറ്റി പോലീസ് സ്റ്റേഷനില്‍ നിരവധി ക്രിമിനല്‍ കേസ്സുകളില്‍ പ്രതിയായ യുവാവിനെ പോലീസ് കേരള സാമൂഹ്യ വിരുദ്ധ പ്രവര്‍ത്തനങ്ങള്‍ (തടയല്‍) നിയമം 2007 വകുപ്പ് 15 (കാപ്പ) പ്രകാരം ചുമത്തി നാടുകടത്തി. കണ്ണൂര്‍ സിറ്റി പോലീസ് സ്റ്റേഷന്‍ പരിധിയില്‍ താമസക്കാരനായ മുഹമ്മദ് റസ്സല്‍ ടി പി റാസ് ടി പി ഹൌസ്, രാഗം തിയേറ്ററിന് സമീപം, മരക്കാര്‍ക്കണ്ടിയെയാണ് നാടുകടത്തിയത്.

## Article Content

**കണ്ണൂര്‍: **കഴിഞ്ഞ മൂന്നു വര്‍ഷത്തിനുള്ളില്‍ കണ്ണൂര്‍ സിറ്റി പോലീസ് സ്റ്റേഷനില്‍ നിരവധി ക്രിമിനല്‍ കേസ്സുകളില്‍ പ്രതിയായ യുവാവിനെ പോലീസ് കേരള സാമൂഹ്യ വിരുദ്ധ പ്രവര്‍ത്തനങ്ങള്‍ (തടയല്‍) നിയമം 2007 വകുപ്പ് 15 (കാപ്പ) പ്രകാരം ചുമത്തി നാടുകടത്തി. കണ്ണൂര്‍ സിറ്റി പോലീസ് സ്റ്റേഷന്‍ പരിധിയില്‍ താമസക്കാരനായ മുഹമ്മദ് റസ്സല്‍ ടി പി റാസ് ടി പി ഹൌസ്, രാഗം തിയേറ്ററിന് സമീപം, മരക്കാര്‍ക്കണ്ടിയെയാണ് നാടുകടത്തിയത്.

കണ്ണൂര്‍ സിറ്റി പോലീസ് സ്റ്റേഷനില്‍ മാത്രം മൂന്നോളം ക്രിമിനല്‍ കേസ്സുകളില്‍ പ്രതിയാണ് മുഹമ്മദ് റസ്സല്‍. കണ്ണൂര്‍ സിറ്റി പോലീസ് കമ്മീഷണര്‍ ശ്രീ ഇളങ്കോ ആര്‍ IPS ന്‍റെ റിപ്പോര്‍ട്ടിന്‍റെ അടിസ്ഥാനത്തില്‍ കണ്ണൂര്‍ റേഞ്ച് DIG യുടെ ഉത്തരവ് പ്രകരമാണ് നാടുകടത്തല്‍ നടപടി.

കണ്ണൂര്‍ ജില്ലയില്‍ പ്രവേശിക്കുന്നതിനും ജില്ലയില്‍ ഏതെങ്കിലും തരത്തിലുള്ള പ്രവര്‍ത്തനങ്ങളില്‍ ഏര്‍പ്പെടുന്നതില്‍ നിന്നും പ്രതിയെ ആറ് മാസത്തേക്ക് തടഞ്ഞു കൊണ്ട് ആണ് ഉത്തരവായത്. അടുത്ത കാലത്തായി കാപ്പ ചുമത്തി നാടുകടത്തല്‍ നടപടി നേരിടുന്ന അഞ്ചാമത്തെ ക്രിമിനല്‍ കേസ്സ് പ്രതികളാണ് മുഹമ്മദ് റസ്സല്‍.

കണ്ണൂര്‍ സിറ്റി പോലീസ് സ്റ്റേഷന്‍ പരിധികളിലെ സ്ഥിരം ക്രിമിനലുകള്‍ക്കെതിരെയും തുടര്‍ച്ചയായി സമൂഹത്തിലെ സമാധാനം ലംഘിക്കുന്നവരെയും നിരീക്ഷിച്ച് ശക്തമായ കാപ്പ നടപടികള്‍ സ്വീകരിച്ചു മുന്നോട്ട് പോകുമെന്ന് സിറ്റി പോലീസ് കമ്മീഷണര്‍ അറിയിച്ചു.

### Related Links & Sources
- [Original Story Source](https://thaliparamba.truevisionnews.com/news/47934/the-young-man-accused-in-criminal-cases)