---
title: "പയ്യന്നൂരില്‍ ടൂറിസ്റ്റ് ഹോം അടിച്ചു തകര്‍ത്തു"
english_title: "attack against tourist home"
publisher: "thaliparambanews.in"
canonical_url: "https://thaliparamba.truevisionnews.com/news/47677/attack-against-tourist-home"
published_at: "2022-06-07T14:38:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/629f15c63b5ff_vac.jpg"
keywords: []
---

# പയ്യന്നൂരില്‍ ടൂറിസ്റ്റ് ഹോം അടിച്ചു തകര്‍ത്തു

> **Lead Summary:** പയ്യന്നൂര്‍: പയ്യന്നൂര്‍ റെയില്‍വേ സ്റ്റേഷനു സമീപം കൊറ്റിയില്‍ ഒരു സംഘം ടൂറിസ്റ്റ് ഹോം അടിച്ചു തകര്‍ത്തു. രാമന്തളി വടക്കുമ്പാട് സ്വദേശി ഒളിയങ്കര അഷ്‌റഫ് നടത്തി വരുന്ന ഒളിയങ്കര ടൂറിസ്റ്റ് ഹോമിനു നേരെയാണ് അക്രമമുണ്ടായത്. വിവരമറിഞ്ഞ് സ്ഥലത്തെത്തിയ പയ്യന്നൂര്‍ പോലീസ് സംഭവവുമായി ബന്ധപ്പെട്ട് കൊറ്റിയിലെ യുവാവിനെയും ബൈക്കും കസ്റ്റഡിയിലെടുത്തിട്ടുണ്ട്.

## Article Content

പയ്യന്നൂര്‍: പയ്യന്നൂര്‍ റെയില്‍വേ സ്റ്റേഷനു സമീപം കൊറ്റിയില്‍ ഒരു സംഘം ടൂറിസ്റ്റ് ഹോം അടിച്ചു തകര്‍ത്തു. രാമന്തളി വടക്കുമ്പാട് സ്വദേശി ഒളിയങ്കര അഷ്‌റഫ് നടത്തി വരുന്ന ഒളിയങ്കര ടൂറിസ്റ്റ് ഹോമിനു നേരെയാണ് അക്രമമുണ്ടായത്. വിവരമറിഞ്ഞ് സ്ഥലത്തെത്തിയ പയ്യന്നൂര്‍ പോലീസ് സംഭവവുമായി ബന്ധപ്പെട്ട് കൊറ്റിയിലെ യുവാവിനെയും ബൈക്കും കസ്റ്റഡിയിലെടുത്തിട്ടുണ്ട്.

ഇന്നലെ രാത്രി 7.30ഓടെയാണ് സംഭവങ്ങള്‍ക്കു തുടക്കം.ടൂറിസ്റ്റ് ഹോമിന് മുന്നില്‍ പാര്‍ക്ക് ചെയ്തിരുന്ന ബൈക്ക് മറിഞ്ഞ് ചെടിച്ചട്ടികള്‍ നശിച്ചിരുന്നു. ബൈക്കിലെത്തിയ രണ്ടു പേരും ടൂറിസ്റ്റ് ഹോം ജീവനക്കാരും ഇതുമായി ബന്ധപ്പെട്ട് തര്‍ക്കമുണ്ടായിരുന്നു. ഇതിന് ശേഷം മടങ്ങി പോയവര്‍ കൂടുതല്‍ ആളുകളുമായി ബൈക്കിലും കാറിലുമായി 8.30 മണിയോടെ തിരിച്ചു വന്ന് ലോഡ്ജിന് നേരെ അക്രമം നടത്തുകയായിരുന്നു.

ലോഡ്ജിന്റെ മുന്‍വശത്തെ ഗ്ലാസ് ചേമ്പര്‍ അടിച്ചു തകര്‍ത്ത സംഘം അടുക്കളവാതില്‍ ചവിട്ടി പൊളിച്ച നിലയിലാണ്.വിവരമറിഞ്ഞ് പയ്യന്നൂര്‍ പോലിസ് സ്ഥലത്തെത്തുമ്പോഴെക്കും അക്രമിസംഘം രക്ഷപ്പെട്ടിരുന്നു. ലോഡ്ജിനോടനുബന്ധിച്ച് പുതിയ ഹോട്ടല്‍ കഴിഞ്ഞ ദിവസം തുറന്നിരുന്നു.

സംഭവവുമായി ബന്ധപ്പെട്ട് കൊറ്റി വാടിപ്പുറത്തെ യുവാവിനെയും ഇയാൾ സഞ്ചരിച്ചിരുന്ന സുഹൃത്തിന്റെ ബൈക്കുമാണ് പയ്യന്നൂര്‍ പോലീസ് കസ്റ്റഡിയിലെടുത്തിരിക്കുന്നത്. കൂട്ടത്തിലുണ്ടായിരുന്ന മറ്റ് അക്രമികളെ കണ്ടെത്താന്‍ പോലീസ് സ്ഥാപനത്തിലെ നിരീക്ഷണ കാമറ ദൃശ്യങ്ങള്‍ പരിശോധിച്ചു തുടങ്ങി.

### Related Links & Sources
- [Original Story Source](https://thaliparamba.truevisionnews.com/news/47677/attack-against-tourist-home)