---
title: "സിവില്‍ സര്‍വീസ് ഫലം പുറത്ത്; ആദ്യ റാങ്കുകള്‍ പെണ്‍കുട്ടികള്‍ക്ക്"
english_title: "civil service result"
publisher: "thaliparambanews.in"
canonical_url: "https://thaliparamba.truevisionnews.com/news/46063/civil-service-result"
published_at: "2022-05-30T15:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6294955d36245_vac.jpg"
keywords: []
---

# സിവില്‍ സര്‍വീസ് ഫലം പുറത്ത്; ആദ്യ റാങ്കുകള്‍ പെണ്‍കുട്ടികള്‍ക്ക്

> **Lead Summary:** **ന്യൂഡല്‍ഹി: **സിവില്‍ സര്‍വീസ് പരീക്ഷയുടെ ഫലം യൂണിയന്‍ പബ്ലിക് സര്‍വീസ് കമ്മിഷന്‍ പ്രസിദ്ധീകരിച്ചു. ആദ്യ മൂന്നു റാങ്കുകളും പെണ്‍കുട്ടികള്‍ക്കാണ്. ശ്രുതി ശര്‍മയ്ക്കാണ് ഒന്നാം റാങ്ക്. അങ്കിത അഗര്‍വാള്‍ രണ്ടാമതും ഗാമിനി സിംഗ്ല മൂന്നാമതും എത്തി.മലയാളിയായ ദിലീപ് കെ കൈനികര ഇരുപത്തിയൊന്നാം റാങ്ക് നേടി.

## Article Content

**ന്യൂഡല്‍ഹി: **സിവില്‍ സര്‍വീസ് പരീക്ഷയുടെ ഫലം യൂണിയന്‍ പബ്ലിക് സര്‍വീസ് കമ്മിഷന്‍ പ്രസിദ്ധീകരിച്ചു. ആദ്യ മൂന്നു റാങ്കുകളും പെണ്‍കുട്ടികള്‍ക്കാണ്. ശ്രുതി ശര്‍മയ്ക്കാണ് ഒന്നാം റാങ്ക്. അങ്കിത അഗര്‍വാള്‍ രണ്ടാമതും ഗാമിനി സിംഗ്ല മൂന്നാമതും എത്തി.മലയാളിയായ ദിലീപ് കെ കൈനികര ഇരുപത്തിയൊന്നാം റാങ്ക് നേടി.

ഐശ്വര്യ വര്‍മയാണ് നാലാം സ്ഥാനത്ത്. ഉത്കര്‍ഷ് ദ്വിവേദി, യക്ഷ് ചൗധരി, സമ്യക് എസ് ജയിന്‍, ഇഷിത റാതി, പ്രീതം കുമാര്‍, ഹര്‍കീരത് സിംഗ് എന്നിവരാണ് പത്തു വരെയുള്ള റാങ്കുകളില്‍ ഉള്ളത്.

685 പേരാണ് പട്ടികയിലുള്ളത്.

പ്രിലിമിനറി, മെയ്ന്‍ പരീക്ഷകളുടെയും ഇന്റര്‍വ്യൂവിന്റെയും അടിസ്ഥാനത്തിലാണ് സിവില്‍ സര്‍വീസ് തെരഞ്ഞെടുപ്പ്. ഐഎഎസ്, ഐഎഫ്എസ്, ഐപിഎസ് തുടങ്ങിയ ഭരണ സര്‍വീസുകളിലേക്കുള്ള കേഡര്‍മാരെ ഈ പട്ടികയില്‍നിന്നാണ് നിയമിക്കുക.

### Related Links & Sources
- [Original Story Source](https://thaliparamba.truevisionnews.com/news/46063/civil-service-result)