പാനൂർ: ബസിൽനിന്നിറങ്ങവേ യാത്രക്കാരിയുടെ കഴുത്തിൽനിന്ന് സ്വർണമാല തട്ടിപ്പറിക്കാൻ ശ്രമിച്ച തമിഴ്നാട് സ്വദേശികളായ രണ്ടുസ്ത്രീകളെ യാത്രക്കാർ പിടികൂടി പോലീസിലേല്പിച്ചു.
തൂവക്കുന്നിലെ മാതുവിന്റെ നാലരപ്പവന്റെ മാലയാണ് തട്ടിപ്പറിക്കാൻ ശ്രമിച്ചത്. ബുധനാഴ്ച രാവിലെ 10.30-ഓടെ ബസ്സ്റ്റാൻഡ് ബൈപ്പാസ് റോഡിലാണ് സംഭവം.
മധുര സ്വദേശിനികളായ ഈശ്വരി, മുരുകേശ്വരി എന്നിവരാണ് പിടിയിലായത്. രണ്ടുപേരെയും പാനൂർ പോലീസ് അറസ്റ്റ് ചെയ്ത് കോടതിയിൽ ഹാജരാക്കി. പ്രതികളെ കോടതി റിമാൻഡ് ചെയ്തു.
Theft in the bus