---
title: "വളപട്ടണം പോലീസ്​ സ്റ്റേഷൻ പരിസരത്തെ വാഹനങ്ങൾ മാറ്റാൻ ഉത്തരവ്"
english_title: "Order to change vehicles"
publisher: "thaliparambanews.in"
canonical_url: "https://thaliparamba.truevisionnews.com/news/39750/order-to-change-vehicles"
published_at: "2022-04-28T12:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/626a3dd99284d_vac.jpg"
keywords: []
---

# വളപട്ടണം പോലീസ്​ സ്റ്റേഷൻ പരിസരത്തെ വാഹനങ്ങൾ മാറ്റാൻ ഉത്തരവ്

> **Lead Summary:** **കണ്ണൂർ: **വളപട്ടണം പൊലീസ് സ്റ്റേഷന് സമീപം കൂട്ടിയിട്ടിരിക്കുന്ന, കേസിൽ ഉൾപ്പെട്ട വാഹനങ്ങൾ ഒരുമാസത്തിനകം മാറ്റണമെന്ന് മനുഷ്യാവകാശ കമീഷൻ ഉത്തരവ്​. വാഹനങ്ങൾ കാൽനടയാത്രക്കാർക്കും വാഹന യാത്രക്കാർക്കും ഭീഷണിയായി മാറിയ സാഹചര്യത്തിലാണ്​ ഇവ മാറ്റാൻ ഉത്തരവായത്​.

## Article Content

**കണ്ണൂർ: **വളപട്ടണം പൊലീസ് സ്റ്റേഷന് സമീപം കൂട്ടിയിട്ടിരിക്കുന്ന, കേസിൽ ഉൾപ്പെട്ട വാഹനങ്ങൾ ഒരുമാസത്തിനകം മാറ്റണമെന്ന് മനുഷ്യാവകാശ കമീഷൻ ഉത്തരവ്​. വാഹനങ്ങൾ കാൽനടയാത്രക്കാർക്കും വാഹന യാത്രക്കാർക്കും ഭീഷണിയായി മാറിയ സാഹചര്യത്തിലാണ്​ ഇവ മാറ്റാൻ ഉത്തരവായത്​.

സംഭവത്തിൽ സ്വീകരിച്ച നടപടി സംബന്ധിച്ച് ജില്ല പൊലീസ് മേധാവി രണ്ട് മാസത്തിനുള്ളിൽ റിപ്പോർട്ട്​ സമർപ്പിക്കണമെന്ന് കമlഷൻ ജുഡീഷ്യൽ അംഗം കെ. ബൈജുനാഥ് ആവശ്യപ്പെട്ടു. വാഹനങ്ങൾ മാറ്റാൻ ഡി.ജി.പി നിർദേശിച്ചെങ്കിലും നടപടി സ്വീകരിച്ചില്ലെന്ന് പരാതിക്കാരൻ കമീഷനെ അറിയിച്ചു. ജില്ല പൊലീസ് മേധാവിയിൽനിന്ന് കമീഷൻ റിപ്പോർട്ട് വാങ്ങി.

വളപട്ടണം സ്റ്റേഷൻ പരിധിയിൽ അനധികൃത മണൽ കടത്തുന്നതുമായി ബന്ധപ്പെട്ട് ധാരാളം കേസുകൾ രജിസ്റ്റർ ചെയ്തിട്ടുണ്ടെന്ന് റിപ്പോർട്ടിൽ പറയുന്നു. ഇതിൽ പിടികൂടിയ വാഹനങ്ങളാണ് കൂട്ടിയിട്ടിരിക്കുന്നത്. കേസ് നടപടികൾ കഴിയുന്നതുവരെ വാഹനങ്ങൾ സൂക്ഷിക്കാൻ സ്ഥലപരിമിതി പ്രധാന പ്രശ്നമാണ്.

### Related Links & Sources
- [Original Story Source](https://thaliparamba.truevisionnews.com/news/39750/order-to-change-vehicles)