---
title: "സ്വർണവില കുത്തനെ ഇടിഞ്ഞു, എട്ട് മാസത്തിന് ശേഷം ഒരു ലക്ഷത്തിന് താഴെ"
english_title: "Gold Price Drops Below 1 Lakh Pavan 99760 Rupees Kerala Gold Rate Today"
publisher: "thaliparambanews.in"
canonical_url: "https://thaliparamba.truevisionnews.com/news/391961/gold-price-drops-below-1-lakh-kerala-today"
published_at: "2026-11-17T11:38:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6afbef953fa55_1001001308.jpg"
keywords: ["Gold Price", "Kerala Gold Rate", "Pavan Price", "Gold Market"]
---

# സ്വർണവില കുത്തനെ ഇടിഞ്ഞു, എട്ട് മാസത്തിന് ശേഷം ഒരു ലക്ഷത്തിന് താഴെ

> **Lead Summary:** **തിരുവനന്തപുരം: **സംസ്ഥാനത്തെ സ്വർണവിപണിയിൽ ഉപഭോക്താക്കൾക്ക് വലിയ ആശ്വാസമായി സ്വർണവില കുത്തനെ ഇടിഞ്ഞു. എട്ട് മാസത്തെ ഇടവേളയ്ക്ക് ശേഷമാണ് സംസ്ഥാനത്ത് ഒരു പവൻ സ്വർണത്തിന്റെ വില ഒരു ലക്ഷം രൂപയിൽ താഴെയെത്തുന്നത്. ഇന്ന് പവന് 560 രൂപ കുറഞ്ഞ് 99,760 രൂപയിലാണ് വ്യാപാരം നടക്കുന്നത്. ഗ്രാമിന് 70 രൂപ കുറഞ്ഞ് 12,470 രൂപയായി.

## Article Content

**തിരുവനന്തപുരം: **സംസ്ഥാനത്തെ സ്വർണവിപണിയിൽ ഉപഭോക്താക്കൾക്ക് വലിയ ആശ്വാസമായി സ്വർണവില കുത്തനെ ഇടിഞ്ഞു. എട്ട് മാസത്തെ ഇടവേളയ്ക്ക് ശേഷമാണ് സംസ്ഥാനത്ത് ഒരു പവൻ സ്വർണത്തിന്റെ വില ഒരു ലക്ഷം രൂപയിൽ താഴെയെത്തുന്നത്. ഇന്ന് പവന് 560 രൂപ കുറഞ്ഞ് 99,760 രൂപയിലാണ് വ്യാപാരം നടക്കുന്നത്. ഗ്രാമിന് 70 രൂപ കുറഞ്ഞ് 12,470 രൂപയായി.

ഇന്നലെയും സ്വർണവിലയിൽ വലിയ ഇടിവ് രേഖപ്പെടുത്തിയിരുന്നു. പവന് 600 രൂപയും ഗ്രാമിന് 75 രൂപയും കുറഞ്ഞ് 1,00,320 രൂപയിലായിരുന്നു ഇന്നലെ വ്യാപാരം നടന്നത്. ഈ വർഷം ജനുവരി 29-ന് പവന് 1,31,160 രൂപയെന്ന സർവകാല റെക്കോർഡ് നിരക്കിലേക്ക് ഉയർന്ന സ്വർണവിലയാണ് തുടർച്ചയായ ഇടിവിനൊടുവിൽ ഇപ്പോൾ ഒരു ലക്ഷത്തിന് താഴേക്ക് എത്തിയിരിക്കുന്നത്. റെക്കോർഡ് നിരക്കുമായി താരതമ്യം ചെയ്യുമ്പോൾ പവന് മുപ്പതിനായിരത്തിലധികം രൂപയുടെ കുറവാണ് രേഖപ്പെടുത്തിയിട്ടുള്ളത്.

അന്താരാഷ്ട്ര വിപണിയിൽ സ്വർണവിലയിലുണ്ടായ കനത്ത ഇടിവും അമേരിക്കൻ ഫെഡറൽ റിസർവ് പലിശ നിരക്കുകളുമായി ബന്ധപ്പെട്ട സാമ്പത്തിക സൂചനകളുമാണ് ആഭ്യന്തര വിപണിയിലും പ്രതിഫലിക്കുന്നത്. വിവാഹ സീസൺ അടുത്തിരിക്കെ സ്വർണവില ഒരു ലക്ഷത്തിന് താഴെയെത്തിയത് ആഭരണപ്രേമികൾക്കും സാധാരണക്കാരായ ഉപഭോക്താക്കൾക്കും വലിയ ആശ്വാസമാണ് നൽകുന്നത്.

### Related Links & Sources
- [Original Story Source](https://thaliparamba.truevisionnews.com/news/391961/gold-price-drops-below-1-lakh-kerala-today)