---
title: "പാമ്പുരുത്തി വാർഡിൽ സ്ട്രീറ്റ് നമ്പർ ബോർഡുകൾ സ്ഥാപിച്ചു"
english_title: "Pamburuthy Ward Street Number Boards Installed Kolachery Panchayat"
publisher: "thaliparambanews.in"
canonical_url: "https://thaliparamba.truevisionnews.com/news/383597/pamburuthy-ward-street-number-boards-kolachery-panchayat"
published_at: "2026-09-21T08:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab09e74cd4c9_simple-card.jpg"
keywords: ["Kolachery News", "Pamburuthy News", "Kannur Panchayat News", "Local News"]
---

# പാമ്പുരുത്തി വാർഡിൽ സ്ട്രീറ്റ് നമ്പർ ബോർഡുകൾ സ്ഥാപിച്ചു

> **Lead Summary:** **പാമ്പുരുത്തി:** കൊളച്ചേരി ഗ്രാമപഞ്ചായത്തിലെ പാമ്പുരുത്തി വാർഡിലെ പ്രധാന റോഡുകളെ സൂചിപ്പിക്കുന്ന സ്ട്രീറ്റ് നമ്പർ ബോർഡുകളുടെ പ്രകാശനം കൊളച്ചേരി ഗ്രാമപഞ്ചായത്ത് പ്രസിഡന്റ് ടി വി ഷമീമ നിർവഹിച്ചു.

## Article Content

**പാമ്പുരുത്തി:** കൊളച്ചേരി ഗ്രാമപഞ്ചായത്തിലെ പാമ്പുരുത്തി വാർഡിലെ പ്രധാന റോഡുകളെ സൂചിപ്പിക്കുന്ന സ്ട്രീറ്റ് നമ്പർ ബോർഡുകളുടെ പ്രകാശനം കൊളച്ചേരി ഗ്രാമപഞ്ചായത്ത് പ്രസിഡന്റ് ടി വി ഷമീമ നിർവഹിച്ചു.

വാർഡ് മെമ്പർ കെ സി ഫാസിലയുടെ മെമ്പർ ഇനിഷ്യേറ്റീവ് ഫണ്ട് ഉപയോഗപ്പെടുത്തിയാണ് പദ്ധതി നടപ്പിലാക്കിയത്. ചടങ്ങിൽ വാർഡ് മെമ്പർ കെ സി ഫാസില അധ്യക്ഷത വഹിച്ചു.വാർഡിലെ വിവിധ ഭാഗങ്ങളിലായി 11 സൂചനാ ബോർഡുകളാണ് സ്ഥാപിച്ചിട്ടുള്ളത്.

വാർഡ് വികസന സമിതി കൺവീനർ കെ പി അബ്ദുൽ സലാം സ്വാഗതം ആശംസിച്ചു.കൊളച്ചേരി ഗ്രാമപഞ്ചായത്ത് മുൻ പ്രസിഡന്റ് എം മമ്മു മാസ്റ്റർ, ഗ്രാമപഞ്ചായത്ത് ആസൂത്രണ സമിതി അംഗങ്ങളായ എം അബ്ദുൽ അസീസ്, മൻസൂർ പാമ്പുരുത്തി, വാർഡ് വികസന സമിതി അംഗങ്ങളായ എം ആദം ഹാജി, കെ സി മുഹമ്മദ് കുഞ്ഞി, വി ടി അബൂബക്കർ, എം പി അബ്ദുൽ ഖാദർ, സി കെ അബ്ദുൽ റസാഖ്, വി ടി മുസ്തഫ, എം കൗലത്ത്, വി ടി ആരിഫ്, ഹിലാൽ പി, വി ടി ഹഫ്സത്ത് എന്നിവർ സംബന്ധിച്ചു.

### Related Links & Sources
- [Original Story Source](https://thaliparamba.truevisionnews.com/news/383597/pamburuthy-ward-street-number-boards-kolachery-panchayat)