---
title: "ശിവസൂര്യയെ കാണാതായിട്ട് ഇന്ന് ഒരു മാസം, അന്വേഷണം ക്രൈംബ്രാഞ്ചിന് വിടണമെന്ന് അച്ഛൻ"
english_title: "Chokli Missing Boy Siva Surya One Month Father Demands Crime Branch Probe"
publisher: "thaliparambanews.in"
canonical_url: "https://thaliparamba.truevisionnews.com/news/381625/chokli-missing-boy-siva-surya-one-month-crime-branch-demand-kannur"
published_at: "2026-09-08T10:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9f94a59a288_IMG-20191107-WA0081.jpg"
keywords: ["Chokli News", "Missing Case", "shivasurya missing"]
---

# ശിവസൂര്യയെ കാണാതായിട്ട് ഇന്ന് ഒരു മാസം, അന്വേഷണം ക്രൈംബ്രാഞ്ചിന് വിടണമെന്ന് അച്ഛൻ

> **Lead Summary:** **കണ്ണൂർ: **ചൊക്ലിയിൽ നിന്നും പതിനേഴുകാരനായ ശിവസൂര്യയെ കാണാതായിട്ട് ഇന്ന് ഒരു മാസം തികയുന്നു. എന്നാൽ ഇതുവരെയും കുട്ടി എവിടെയാണെന്നത് സംബന്ധിച്ച് പ്രത്യേക അന്വേഷണ സംഘത്തിന് യാതൊരുവിധ സൂചനയും ലഭിച്ചിട്ടില്ല. ഈ സാഹചര്യത്തിൽ കേസ് ക്രൈംബ്രാഞ്ച് അന്വേഷണം ഏറ്റെടുക്കണമെന്ന് ആവശ്യപ്പെട്ട് ശിവസൂര്യയുടെ അച്ഛൻ ജിഗീഷ് രംഗത്തെത്തി.

## Article Content

**കണ്ണൂർ: **ചൊക്ലിയിൽ നിന്നും പതിനേഴുകാരനായ ശിവസൂര്യയെ കാണാതായിട്ട് ഇന്ന് ഒരു മാസം തികയുന്നു. എന്നാൽ ഇതുവരെയും കുട്ടി എവിടെയാണെന്നത് സംബന്ധിച്ച് പ്രത്യേക അന്വേഷണ സംഘത്തിന് യാതൊരുവിധ സൂചനയും ലഭിച്ചിട്ടില്ല. ഈ സാഹചര്യത്തിൽ കേസ് ക്രൈംബ്രാഞ്ച് അന്വേഷണം ഏറ്റെടുക്കണമെന്ന് ആവശ്യപ്പെട്ട് ശിവസൂര്യയുടെ അച്ഛൻ ജിഗീഷ് രംഗത്തെത്തി.

ശിവസൂര്യയുടെ തിരോധാനത്തിന് പിന്നിൽ മറ്റാരുടെയെങ്കിലും സഹായം ഉണ്ടോയെന്ന് താൻ ശക്തമായി സംശയിക്കുന്നതായും, കുട്ടിക്ക് ഒളിവിൽ കഴിയാൻ ആരെങ്കിലും ബോധപൂർവ്വം സഹായം നൽകുന്നുണ്ടോ എന്ന കാര്യത്തിലും സമഗ്രമായ അന്വേഷണം വേണമെന്നുമാണ് അച്ഛൻ ആവശ്യപ്പെടുന്നത്.

മൊബൈൽ ഫോൺ വീട്ടുകാർ വാങ്ങി വെച്ചതിന്റെ കടുത്ത വിഷമത്തിലാണ് ശിവസൂര്യ കഴിഞ്ഞ മാസം എട്ടാം തീയതിയോടെ വീട് വിട്ടിറങ്ങിയത്. കാശിയിലേക്ക് പോകുന്നു എന്ന് വ്യക്തമാക്കുന്ന കുറിപ്പും കുട്ടി എഴുതി വെച്ചിട്ടുണ്ടായിരുന്നു.

തുടർന്ന് നടത്തിയ അന്വേഷണങ്ങളുടെ ഭാഗമായി ഒടുവിൽ ശിവസൂര്യയെ തേടി വാരണാസിയിലേക്ക് പോയ കേരള പൊലീസ് സംഘം അവിടെയും പരിശോധനകൾ പൂർത്തിയാക്കി തിരികെ മടങ്ങിയിരിക്കുകയാണ്.

ഉത്തർപ്രദേശ് പൊലീസിന്റെയും മലയാളി അസോസിയേഷൻ പ്രവർത്തകരുടെയും സജീവമായ സഹായത്തോടെ ഒരാഴ്ചയോളം നീണ്ട കനത്ത പരിശോധനയാണ് വാരണാസിയിൽ നടത്തിയത്.

പ്രദേശത്തെ നൂറിലധികം സിസിടിവി ക്യാമറകൾ പൊലീസ് സംഘം വിശദമായി പരിശോധിച്ചെങ്കിലും ശിവസൂര്യയെക്കുറിച്ച് യാതൊരു സൂചനയും കണ്ടെത്താൻ സാധിച്ചില്ല.

### Related Links & Sources
- [Original Story Source](https://thaliparamba.truevisionnews.com/news/381625/chokli-missing-boy-siva-surya-one-month-crime-branch-demand-kannur)