---
title: "ഓണനിലാവിൽ നാടൊന്നായി, 700 ലേറെ പേരുടെ പങ്കാളിത്തത്തിൽ മുയ്യം പള്ളിവയലിൽ സംഘടിപ്പിച്ച ഓണസദ്യ ശ്രദ്ധേയമായി"
english_title: "Muyyam Pallivayal Onam Celebration AKG Library Rainstar Club"
publisher: "thaliparambanews.in"
canonical_url: "https://thaliparamba.truevisionnews.com/news/380570/muyyam-pallivayal-onam-celebration-akg-library"
published_at: "2026-08-31T15:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a954d13b51d2_1000820961.png"
keywords: ["Onam Celebration Kerala", "Muyyam News", "Kannur Onam News"]
---

# ഓണനിലാവിൽ നാടൊന്നായി, 700 ലേറെ പേരുടെ പങ്കാളിത്തത്തിൽ മുയ്യം പള്ളിവയലിൽ സംഘടിപ്പിച്ച ഓണസദ്യ ശ്രദ്ധേയമായി

> **Lead Summary:** **മുയ്യം: **പള്ളിവയൽ എ.കെ.ജി സ്മാരക വായനശാല & ഗ്രാമാലയം, റൈൻസ്റ്റാർ ആർട്സ് & സ്പോർട്സ് ക്ലബ്, വയോജന വേദി, വനിതാവേദി, ബാലവേദി എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച നാലുനാൾ നീണ്ട ഓണാഘോഷം നാടിന്റെ കൂട്ടായ്മയുടെയും സൗഹൃദത്തിന്റെയും ഉത്സവമായി മാറി.

## Article Content

**മുയ്യം: **പള്ളിവയൽ എ.കെ.ജി സ്മാരക വായനശാല & ഗ്രാമാലയം, റൈൻസ്റ്റാർ ആർട്സ് & സ്പോർട്സ് ക്ലബ്, വയോജന വേദി, വനിതാവേദി, ബാലവേദി എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച നാലുനാൾ നീണ്ട ഓണാഘോഷം നാടിന്റെ കൂട്ടായ്മയുടെയും സൗഹൃദത്തിന്റെയും ഉത്സവമായി മാറി.

ആഗസ്റ്റ് 23, 26, 29, 30 തീയതികളിലായി വിവിധ കലാ-കായിക മത്സരങ്ങളും ഓണാഘോഷ പരിപാടികളുമാണ് സംഘടിപ്പിച്ചത്. കുട്ടികൾക്കും യുവാക്കൾക്കും മുതിർന്നവർക്കുമായി വിവിധ വിഭാഗങ്ങളിലായി നിരവധി മത്സരങ്ങൾ സംഘടിപ്പിച്ചു.

ആഗസ്റ്റ് 23ന് വിവിധ കായിക മത്സരങ്ങളോടെ തുടക്കമായ ആഘോഷത്തിൽ എൽ.പി., യു.പി., ഹൈസ്കൂൾ വിഭാഗങ്ങളിലെ കുട്ടികൾ പങ്കെടുത്തു. 26ന് നടന്ന പൂക്കള മത്സരം ഓണാഘോഷത്തിന് കൂടുതൽ നിറപ്പകിട്ടേകി. 29ന് ഷൂട്ടൗട്ട് മത്സരവും സംഘടിപ്പിച്ചു.

*700ലേറെ പേർ പങ്കെടുത്ത ഓണസദ്യ*

ആഘോഷങ്ങളുടെ സമാപന ഭാഗമായി ആഗസ്റ്റ് 30ന് നടന്ന ഓണസദ്യ വലിയ ജനപങ്കാളിത്തത്തിന് സാക്ഷിയായി. ജാതി-മത-രാഷ്ട്രീയ ഭേദമന്യേ 700ലേറെ പേർ ഓണസദ്യയിൽ പങ്കെടുത്തു.

ഓണസദ്യ, വിവിധ കലാ-കായിക പരിപാടികൾ, ഗാനമേള തുടങ്ങിയവയും ഭാഗമായി നടന്നു. കുട്ടികളും യുവാക്കളും മുതിർന്നവരും ഒരേ മനസ്സോടെ പങ്കെടുത്ത ആഘോഷം സ്നേഹത്തിന്റെയും സാഹോദര്യത്തിന്റെയും നാട്ടുകൂട്ടായ്മയുടെയും മനോഹര സന്ദേശമായി.

വ്യത്യാസങ്ങൾ മറന്ന് ഒരുമിച്ച് ആഘോഷിച്ച മുയ്യം പള്ളിവയലിലെ ഓണസന്ധ്യ നാടിന്റെ ഐക്യത്തിന്റെയും സൗഹൃദത്തിന്റെയും ശ്രദ്ധേയമായ കാഴ്ചയായി.

### Related Links & Sources
- [Original Story Source](https://thaliparamba.truevisionnews.com/news/380570/muyyam-pallivayal-onam-celebration-akg-library)