---
title: "അര്‍ജുന്‍ ആയങ്കിക്ക് ജാമ്യം"
english_title: "Arjun Ayanki Gets Bail Kannur Cyber Crime Police Grants Bail"
publisher: "thaliparambanews.in"
canonical_url: "https://thaliparamba.truevisionnews.com/news/379597/arjun-ayanki-bail-kannur-cyber-crime-police"
published_at: "2026-08-22T13:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a8950daeaa1f_simple-card.jpg"
keywords: ["Arjun Ayanki", "Kannur Cyber Crime Police", "Arjun Ayanki Bail"]
---

# അര്‍ജുന്‍ ആയങ്കിക്ക് ജാമ്യം

> **Lead Summary:** **കണ്ണൂര്‍: **നിരവധി ക്രിമിനല്‍ കേസുകളില്‍ പ്രതിയായ ഗുണ്ടാനേതാവ് അര്‍ജുന്‍ ആയങ്കിക്ക് ജാമ്യം. കണ്ണൂര്‍ സൈബര്‍ പൊലീസ് രജിസ്റ്റര്‍ ചെയ്ത കേസിലാണ് ജാമ്യം. എന്നാല്‍, കാപ്പ ചുമത്തിയതിനാല്‍ അര്‍ജുന്‍ ആയങ്കി ജയിലില്‍ തന്നെ തുടരും.

## Article Content

**കണ്ണൂര്‍: **നിരവധി ക്രിമിനല്‍ കേസുകളില്‍ പ്രതിയായ ഗുണ്ടാനേതാവ് അര്‍ജുന്‍ ആയങ്കിക്ക് ജാമ്യം. കണ്ണൂര്‍ സൈബര്‍ പൊലീസ് രജിസ്റ്റര്‍ ചെയ്ത കേസിലാണ് ജാമ്യം. എന്നാല്‍, കാപ്പ ചുമത്തിയതിനാല്‍ അര്‍ജുന്‍ ആയങ്കി ജയിലില്‍ തന്നെ തുടരും.

അര്‍ജുന്‍ ആയങ്കിയെ കണ്ണൂര്‍ സെന്‍ട്രല്‍ ജയിലില്‍ കരുതല്‍ തടങ്കലിലാക്കാനുള്ള നടപടി പൊലീസ് തുടങ്ങിയിട്ടുണ്ട്. തലശ്ശേരി സബ് ജയിലില്‍ നിന്ന് കണ്ണൂര്‍ സെന്‍ട്രല്‍ ജയിലിലേക്ക് മാറ്റാനുള്ള അപേക്ഷ ഇന്ന് കോടതിയില്‍ നല്‍കും. അര്‍ജ്ജുന് ഇന്ന് കാപ്പ നോട്ടീസ് കൈമാറും.

കഴിഞ്ഞ ദിവസമാണ് അര്‍ജുന്‍ ആയങ്കിക്കെതിരെ കാപ്പ ചുമത്തിയത്. ആയങ്കിക്കെതിരെ കാപ്പ ചുമത്തുന്നതിനുള്ള കണ്ണൂര്‍ സിറ്റി പൊലീസ് കമ്മീഷണറുടെ ശിപാര്‍ശ കലക്ടര്‍ അംഗീകരിക്കുകയായിരുന്നു. നിരന്തരം കുറ്റകൃത്യങ്ങളില്‍ ഏര്‍പ്പെടുന്ന വ്യക്തിയാണ് അര്‍ജുനെന്നും വീണ്ടും കുറ്റകൃത്യങ്ങളില്‍ ഏര്‍പ്പെടാനുള്ള സാധ്യതയുണ്ടെന്നും ചൂണ്ടിക്കാട്ടിയാണ് നടപടി. കാപ്പ ചുമത്തി കരുതല്‍ തടങ്കലില്‍ പാര്‍പ്പിക്കാനാണ് ഉത്തരവിട്ടിരിക്കുന്നത്.

### Related Links & Sources
- [Original Story Source](https://thaliparamba.truevisionnews.com/news/379597/arjun-ayanki-bail-kannur-cyber-crime-police)