---
title: "പയ്യന്നൂർ ബേബി മെമ്മോറിയൽ ഹോസ്പിറ്റലിൽ ചികിത്സാ പിഴവ്: ശക്തമായി പ്രതിഷേധിക്കുമെന്ന് ഡി വൈ എഫ് ഐ "
english_title: "DYFI "
publisher: "thaliparambanews.in"
canonical_url: "https://thaliparamba.truevisionnews.com/news/371473/dyfi"
published_at: "2026-07-09T20:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a4fb3937d4d8_1000688654.jpg"
keywords: []
---

# പയ്യന്നൂർ ബേബി മെമ്മോറിയൽ ഹോസ്പിറ്റലിൽ ചികിത്സാ പിഴവ്: ശക്തമായി പ്രതിഷേധിക്കുമെന്ന് ഡി വൈ എഫ് ഐ 

> **Lead Summary:** **പയ്യന്നുർ : **പയ്യന്നുർ ബേബി മെമ്മോറിയൽ ഹോസ്പിറ്റലിൽ ചികിത്സയ്‌കെത്തിയ എരമം സ്വദേശിയുടെ ഒന്നര വയസ്സ് മാത്രം പ്രായമുള്ള കുട്ടിയെ ചികിത്സാ പിഴവ് കാരണം അതീവ ഗുരുതരാവസ്ഥയിൽ കണ്ണൂരിലെ ഒരു സ്വകാര്യ ആശുപത്രിയിലേക്ക് മാറ്റിയിരിക്കുകയാണ്.

## Article Content

**പയ്യന്നുർ : **പയ്യന്നുർ ബേബി മെമ്മോറിയൽ ഹോസ്പിറ്റലിൽ ചികിത്സയ്‌കെത്തിയ എരമം സ്വദേശിയുടെ ഒന്നര വയസ്സ് മാത്രം പ്രായമുള്ള കുട്ടിയെ ചികിത്സാ പിഴവ് കാരണം അതീവ ഗുരുതരാവസ്ഥയിൽ കണ്ണൂരിലെ ഒരു സ്വകാര്യ ആശുപത്രിയിലേക്ക് മാറ്റിയിരിക്കുകയാണ്.

കഴിഞ്ഞ ദിവസം വീട്ടിൽ നിന്ന് കളിക്കുന്നതിനിടയിൽ കാൽതെറ്റി വീണ് മുഖത്ത് താടിയിൽ ചെറിയ മുറിവോടെ പയ്യന്നൂർ ബി എം എച്ചിൽ ചികിത്സയ്ക്കായി എത്തിയതായിരുന്നു കുട്ടിയും രക്ഷിതാക്കളും.. എന്നാൽ കുട്ടിക്ക് ഹോസ്പിറ്റലിൽ നിന്ന് അനസ്തേഷ്യ നൽകുകയും അതിനെ തുടർന്ന് കുഞ്ഞിന്റെ ആരോഗ്യസ്ഥിതി വഷളാവുകയുമായിരുന്നു. പയ്യന്നൂരിലെ സ്വകാര്യ ആശുപത്രിയിൽ നിന്ന് നിരന്തരമായി നിരവധിയായ ചികിത്സ പിഴവുകളുടെയും അനാസ്ഥയുടെയും വാർത്തകളാണ് പുറത്ത് വന്ന് കൊണ്ടിരിക്കുന്നത്..

ആരോഗ്യമേഖലയിൽ നടക്കുന്ന സാമ്പത്തികകൊള്ളയും മനുഷ്യജീവന് വിലകൽപ്പിക്കാതെയുള്ള ഇത്തരം സമീപനങ്ങളും അവസാനിപ്പിച്ചില്ലെങ്കിൽ ശക്തമായ പ്രതിഷേധം ഉണ്ടാവുമെന്ന് DYFI പയ്യന്നൂർ,പെരിങ്ങോം ബ്ലോക്ക് കമിറ്റികൾ പ്രസ്താവനയിലൂടെ അറിയിച്ചു.

### Related Links & Sources
- [Original Story Source](https://thaliparamba.truevisionnews.com/news/371473/dyfi)