---
title: "മഴക്കാല പകർച്ച വ്യാധികൾ: ജാഗ്രത നിർദേശവുമായി ആരോഗ്യ വകുപ്പ് "
english_title: "Health department "
publisher: "thaliparambanews.in"
canonical_url: "https://thaliparamba.truevisionnews.com/news/363986/health-department"
published_at: "2026-06-05T12:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a2274c6dbb6c_1000601954.jpg"
keywords: []
---

# മഴക്കാല പകർച്ച വ്യാധികൾ: ജാഗ്രത നിർദേശവുമായി ആരോഗ്യ വകുപ്പ് 

> **Lead Summary:** മഴക്കാലം ആരംഭിക്കാനിരിക്കെ ഡെങ്കിപ്പനി ഉൾപ്പെടെയുള്ള പകർച്ചവ്യാധി തടയാൻ പ്രതിരോധം ശക്തമാക്കണമെന്ന് ആരോഗ്യവകുപ്പിന്റെ നിർദേശം.ഡെങ്കിപ്പനിക്ക് പ്രധാനം കാരണം കൊതുകായതിനാൽ റബർ തോട്ടം ഉടമകൾക്കായി ആദ്യഘട്ടത്തിൽ ബോധവത്കരണം നടത്താനും പ്ലാനുണ്ട്. 

## Article Content

മഴക്കാലം ആരംഭിക്കാനിരിക്കെ ഡെങ്കിപ്പനി ഉൾപ്പെടെയുള്ള പകർച്ചവ്യാധി തടയാൻ പ്രതിരോധം ശക്തമാക്കണമെന്ന് ആരോഗ്യവകുപ്പിന്റെ നിർദേശം.ഡെങ്കിപ്പനിക്ക് പ്രധാനം കാരണം കൊതുകായതിനാൽ റബർ തോട്ടം ഉടമകൾക്കായി ആദ്യഘട്ടത്തിൽ ബോധവത്കരണം നടത്താനും പ്ലാനുണ്ട്. 

കമഴ്ത്തി വയ്ക്കാത്ത ചിരട്ടകൾ റബർ പാൽ ശേഖരിച്ച ശേഷം ചിരട്ടകൾ കമഴ്ത്തി വയ്ക്കാത്തതാണ് പ്രധാന പ്രതിസന്ധി.മഴയിൽ ചിരട്ടയിൽ വെള്ളം കെട്ടിനിന്ന് കൊതുകുകൾ മുട്ടയിട്ട് പെരുകുന്നതിന് കാരണമാകുമെന്നും,ഇത്തരം ഉറവിട നശീകരണം കർശനമായി നടപ്പാക്കണമെന്നും ആരോഗ്യവകുപ്പ് ആവർത്തിച്ച് പറയുന്നുണ്ട്. 

ഈഡിസ് വിഭാഗത്തിൽ ഉൾപ്പെടുന്ന ചെറിയ ഇനം കൊതുകുകളാണ് രോഗവാഹകർ. വീടിനകത്തും പുറത്തും ജാഗ്രത വേണം

വീടിനകത്ത് ചെടിച്ചട്ടികളുടെ ട്രേ,എ.സിയിൽ നിന്ന് വെള്ളം വീഴുന്ന ട്രേ,അലങ്കാര ചെടികൾ വളർത്തുന്ന പാത്രം,ഫ്രിഡ്ജിന്റെ പിന്നിലെ ട്രേ,ഉപയോഗിക്കാത്ത ക്ളോസെറ്റ്,വീടിന് പുറത്തെ ഉപയോഗ ശൂന്യമായ പാത്രങ്ങൾ,കളിപ്പാട്ടങ്ങൾ,ടയർ,ചിരട്ടകൾ,പ്ളാസ്റ്റിക് കവറുകൾ,ചെടിച്ചട്ടികൾ,കട്ടികൂടിയ ഇലകൾ,ടാർപ്പോളിൻ,പ്ളാസ്റ്റിക് ഷീറ്റുകൾ,മുട്ടത്തോട്,സൺഷെയ്ഡ്,റൂഫിന്റെ പാത്തി ടെറസ്,വെള്ളം ശേഖരിക്കുന്ന ടാങ്കുകൾ,പഴങ്ങളുടെ തോടുകൾ തുടങ്ങിയ സ്ഥലങ്ങളിലെല്ലാം വെള്ളം കെട്ടിനിൽക്കുന്നില്ലെന്ന് ഉറപ്പ് വരുത്തണം.

### Related Links & Sources
- [Original Story Source](https://thaliparamba.truevisionnews.com/news/363986/health-department)