---
title: "എം.ഡി.എം.എയുമായി രണ്ടുപേര്‍ തളിപ്പറമ്പ് പോലീസിന്റെ പിടിയിലായി"
english_title: "arrest with mdma"
publisher: "thaliparambanews.in"
canonical_url: "https://thaliparamba.truevisionnews.com/news/356076/arrest-with-mdma"
published_at: "2026-04-29T09:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69f17eda92c6c_news-card.jpg"
keywords: []
---

# എം.ഡി.എം.എയുമായി രണ്ടുപേര്‍ തളിപ്പറമ്പ് പോലീസിന്റെ പിടിയിലായി

> **Lead Summary:** **തളിപ്പറമ്പ്: **മാരക രാസലഹരിയായ എം.ഡി.എം.എയുമായി രണ്ടുപേര്‍ തളിപ്പറമ്പ് പോലീസിന്റെ പിടിയിലായി.

## Article Content

**തളിപ്പറമ്പ്: **മാരക രാസലഹരിയായ എം.ഡി.എം.എയുമായി രണ്ടുപേര്‍ തളിപ്പറമ്പ് പോലീസിന്റെ പിടിയിലായി.

എരമം മാതമംഗലം താറ്റ്യേരിയിലെ അഞ്ചില്ലത്ത് വീട്ടില്‍ എ.ഫൈസല്‍(44), മാതമംഗലം കുറ്റൂരിലെ കമ്പില്‍ പൈലോത്ത് വീട്ടില്‍ കെ.പി.മന്‍സൂര്‍(42)എന്നിവരെയാണ് കണ്ണൂര്‍ റൂറല്‍ പോലീസ് മേധാവിയുടെ കീഴില്‍ പ്രവര്‍ത്തിക്കുന്ന ലഹരിവിരുദ്ധ സ്‌ക്വാഡായ ഡാന്‍സാഫും തളിപ്പറമ്പ് പോലീസും ചേര്‍ന്ന് പിടികൂടിയത്.ഇവരില്‍ നിന്ന് 1.4741 ഗ്രാം എം.ഡി.എം.എ പിടിച്ചെടുത്തു.

ഇന്നലെ വൈകുന്നേരം 5.45 ന് കുറ്റ്യേരി ആസാദ്‌നഗര്‍ ഭാഗത്തുവെച്ചാണ് കെ.എല്‍.58 ഡി.7400 നമ്പര്‍ ആള്‍ട്ടോകാര്‍ സഹിതം ഇവര്‍ പിടിയിലായത്.എം.ഡി.എം.എ ഉപയോഗിക്കാന്‍ പറ്റിയ സ്ഥലം നോക്കിയാണ് ഇവിടെ എത്തിയതെന്നും കാസര്‍ഗോഡ് ഉളിയത്തടുക്കയില്‍ നിന്ന് ബദറു എന്നയാളില്‍ നിന്ന് എം.ഡി.എം.എ വാങ്ങിയതെന്നും ഇവര്‍ പോലീസിന്റെ ചോദ്യം ചെയ്യലില്‍ വെളിപ്പെടുത്തി.

തളിപ്പറമ്പ് എസ്.ഐ പി.യദുകൃഷ്ണന്‍, ഗ്രേഡ് എസ്.ഐമാരായ സി.പി.സജിമോന്‍, മുഹമ്മദാലി, ഡ്രൈവര്‍ സി.പി.ഒ കെ.മഹേഷ് എന്നിവരും ഡാന്‍സാഫ്ടീം അംഗങ്ങളും പ്രതികളെ പിടികൂടിയ സംഘത്തില്‍ ഉണ്ടായിരുന്നു.

### Related Links & Sources
- [Original Story Source](https://thaliparamba.truevisionnews.com/news/356076/arrest-with-mdma)