---
title: "തലയിൽ പ്ലാസ്റ്റിക് ഭരണി കുടുങ്ങി അവശനായ നിലയിൽ കണ്ടെത്തിയ നായയ്ക്ക് രക്ഷകരായി സന്നദ്ധ പ്രവർത്തകർ"
english_title: "Dog rescue "
publisher: "thaliparambanews.in"
canonical_url: "https://thaliparamba.truevisionnews.com/news/355690/dog-rescue"
published_at: "2026-04-27T11:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69eef6e5845d1_1000499799.jpg"
keywords: []
---

# തലയിൽ പ്ലാസ്റ്റിക് ഭരണി കുടുങ്ങി അവശനായ നിലയിൽ കണ്ടെത്തിയ നായയ്ക്ക് രക്ഷകരായി സന്നദ്ധ പ്രവർത്തകർ

> **Lead Summary:** പഴയങ്ങാടി: വെങ്ങര റെയിൽവേ മേൽപ്പാലത്തിനടുത്ത് തലയിൽ പ്ലാസ്റ്റിക് ഭരണി കുടുങ്ങി അവശനായ നിലയിൽ കണ്ടെത്തിയ നായയ്ക്ക് ഒടുവിൽ രക്ഷകരായി സന്നദ്ധ പ്രവർത്തകർ. പ്രദേശത്ത് ദിവസങ്ങളായി നൊമ്പരപ്പെടുത്തുന്ന കാഴ്ചയായി മാറിയ നായയുടെ തലയിൽ നിന്നാണ് ഒടുവിൽ ഭരണി ഊരിമാറ്റി ജീവൻ രക്ഷിച്ചത്.

## Article Content

പഴയങ്ങാടി: വെങ്ങര റെയിൽവേ മേൽപ്പാലത്തിനടുത്ത് തലയിൽ പ്ലാസ്റ്റിക് ഭരണി കുടുങ്ങി അവശനായ നിലയിൽ കണ്ടെത്തിയ നായയ്ക്ക് ഒടുവിൽ രക്ഷകരായി സന്നദ്ധ പ്രവർത്തകർ. പ്രദേശത്ത് ദിവസങ്ങളായി നൊമ്പരപ്പെടുത്തുന്ന കാഴ്ചയായി മാറിയ നായയുടെ തലയിൽ നിന്നാണ് ഒടുവിൽ ഭരണി ഊരിമാറ്റി ജീവൻ രക്ഷിച്ചത്.

ജില്ലാ ലേബർ ഓഫീസ്‌ എൻഫോഴ്സ്മെൻറ് വിഭാഗത്തിലെ വെങ്ങര സ്വദേശി ജി. ജയേഷിന്റെ ഇടപെടലിനെ തുടർന്നാണ് മൃഗസംരക്ഷണ വകുപ്പിന്റെ നിർദേശപ്രകാരം സന്നദ്ധ സേനാ പ്രവർത്തകരായ രഞ്ജിത്ത് നാരായണൻ, പി. ഷിനിൽ എന്നിവർ സ്ഥലത്തെത്തിയത്. ഞായറാഴ്ച രാവിലെ 11.30-ഓടെ എത്തിയ ഇവർ നാട്ടുകാരുടെ സഹകരണത്തോടെ നായയെ വളയുകയും, തുടർന്ന് പ്രത്യേക രീതിയിൽ ക്രമീകരിച്ച ബട്ടർഫ്ലൈ വല ഉപയോഗിച്ച് പിടികൂടി തലയിൽനിന്ന് പ്ലാസ്റ്റിക് ഭരണി മാറ്റുകയുമായിരുന്നു.

ദിവസങ്ങളായി ഭക്ഷണം കഴിക്കാതെ അവശയായിരുന്നുവെങ്കിലും ഭരണി മാറ്റിയതോടെ ആളുകളുടെ ബഹളത്തിനിടയിൽനിന്ന് നായ ഓടിമറഞ്ഞു. നായയുടെ കാലിനേറ്റ പരിക്കിൽ മരുന്നുവെച്ച് കെട്ടിയ ശേഷമാണ് പ്രവർത്തകർ ഇതിനെ വിട്ടയച്ചത്. 

### Related Links & Sources
- [Original Story Source](https://thaliparamba.truevisionnews.com/news/355690/dog-rescue)