---
title: "വാഗ്ദാന ലംഘനം നടത്തിയ എൽ ഡി എഫിന് ഇത്തവണ വോട്ട് ചെയ്യില്ല, വൺ ഇന്ത്യ വൺ പെൻഷൻ സംയുക്ത മുന്നണി യു ഡി എഫിനെ പിന്തുണക്കും"
english_title: "One India One Pension "
publisher: "thaliparambanews.in"
canonical_url: "https://thaliparamba.truevisionnews.com/news/352121/one-india-one-pension"
published_at: "2026-04-07T21:24:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69d528d68e177_news-card.jpg"
keywords: []
---

# വാഗ്ദാന ലംഘനം നടത്തിയ എൽ ഡി എഫിന് ഇത്തവണ വോട്ട് ചെയ്യില്ല, വൺ ഇന്ത്യ വൺ പെൻഷൻ സംയുക്ത മുന്നണി യു ഡി എഫിനെ പിന്തുണക്കും

> **Lead Summary:** **കണ്ണൂർ: **വാഗ്ദാന ലംഘനം നടത്തിയ എൽ ഡി എഫിന് നിയമസഭാ തിരഞ്ഞെടുപ്പിൽ ഇത്തവണ വോട്ട് ചെയ്യില്ലെന്ന് വൺ ഇന്ത്യ വൺപെൻഷൻ (ഒ ഐ ഒ പി ) സംയുക്ത മുന്നണി ഭാരവാഹികൾ വാർത്താ സമ്മേളനത്തിൽ അറിയിച്ചു. കഴിഞ്ഞ തവണ അധികാരത്തിൽ വന്ന ഇടതുപക്ഷ സർക്കാർ വാഗ്ദാന ലംഘനം നടത്തിയെന്നും ഇവർ പറഞ്ഞു.

## Article Content

**കണ്ണൂർ: **വാഗ്ദാന ലംഘനം നടത്തിയ എൽ ഡി എഫിന് നിയമസഭാ തിരഞ്ഞെടുപ്പിൽ ഇത്തവണ വോട്ട് ചെയ്യില്ലെന്ന് വൺ ഇന്ത്യ വൺപെൻഷൻ (ഒ ഐ ഒ പി ) സംയുക്ത മുന്നണി ഭാരവാഹികൾ വാർത്താ സമ്മേളനത്തിൽ അറിയിച്ചു. കഴിഞ്ഞ തവണ അധികാരത്തിൽ വന്ന ഇടതുപക്ഷ സർക്കാർ വാഗ്ദാന ലംഘനം നടത്തിയെന്നും ഇവർ പറഞ്ഞു.

പ്രധാനമന്ത്രിക്കു എൻ ഡി എ മുന്നണികൾക്കും തങ്ങൾ പലവട്ടം നിവേദനം നൽകിയെങ്കിലും യാതൊരു പരിഗണയും കിട്ടിയില്ല. തങ്ങൾ മുന്നോട്ടു വെച്ച വയോജന ക്ഷേമ പെൻഷൻ അവകാശമാക്കുന്നതുൾപ്പെടെയുള്ള ആവശ്യങ്ങൾ യു ഡി എഫ് പ്രകടനപത്രികയിൽ പ്രസിദ്ധീകരിച്ചതിന്റെ പശ്ചാത്തലത്തിലാണ് യു ഡി എഫിന് പിന്തുണ നൽകാൻ തീരുമാനിച്ചതെന്ന് സംയുക്ത മുന്നണി ഭാരവാഹികളായ പി എം കെ ബാവ, രാജു ഫ്രാൻസിസ് , തമ്പിതൈക്കാട്ട്, ഫഹദ് നോർത്ത് എന്നിവർ പറഞ്ഞു.

### Related Links & Sources
- [Original Story Source](https://thaliparamba.truevisionnews.com/news/352121/one-india-one-pension)