---
title: "യു.ഡി.എഫ് 'പുതുയുഗ യാത്ര': കണ്ണൂരിലെ സ്വീകരണ പരിപാടികൾക്കായി സംഘാടക സമിതി രൂപീകരിച്ചു"
english_title: "UDF 'Puthuyuga Yatra'"
publisher: "thaliparambanews.in"
canonical_url: "https://thaliparamba.truevisionnews.com/news/337758/udf-puthuyuga-yatra"
published_at: "2026-01-22T21:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69724f84b1cc9_Untitled-2-web.jpg"
keywords: []
---

# യു.ഡി.എഫ് 'പുതുയുഗ യാത്ര': കണ്ണൂരിലെ സ്വീകരണ പരിപാടികൾക്കായി സംഘാടക സമിതി രൂപീകരിച്ചു

> **Lead Summary:** **കണ്ണൂർ: **പ്രതിപക്ഷ നേതാവ് വി.ഡി. സതീശൻ നയിക്കുന്ന യു.ഡി.എഫ് ‘പുതുയുഗ യാത്ര’യുടെ കണ്ണൂർ ജില്ലയിലെ സ്വീകരണ പരിപാടികൾക്ക് ഒരുക്കങ്ങൾ തുടങ്ങി. കണ്ണൂർ, അഴീക്കോട്, ധർമ്മടം നിയോജക മണ്ഡലങ്ങളിലെ സ്വീകരണ പരിപാടികളുടെ കൂടിയാലോചനയ്ക്കായി ഡി.സി.സി ഓഫീസിൽ വിളിച്ചുചേർത്ത സംഘാടക സമിതി യോഗം ഡി.സി.സി പ്രസിഡന്റ് അഡ്വ. മാർട്ടിൻ ജോർജ്ജ് ഉദ്ഘാടനം ചെയ്തു.

## Article Content

**കണ്ണൂർ: **പ്രതിപക്ഷ നേതാവ് വി.ഡി. സതീശൻ നയിക്കുന്ന യു.ഡി.എഫ് ‘പുതുയുഗ യാത്ര’യുടെ കണ്ണൂർ ജില്ലയിലെ സ്വീകരണ പരിപാടികൾക്ക് ഒരുക്കങ്ങൾ തുടങ്ങി. കണ്ണൂർ, അഴീക്കോട്, ധർമ്മടം നിയോജക മണ്ഡലങ്ങളിലെ സ്വീകരണ പരിപാടികളുടെ കൂടിയാലോചനയ്ക്കായി ഡി.സി.സി ഓഫീസിൽ വിളിച്ചുചേർത്ത സംഘാടക സമിതി യോഗം ഡി.സി.സി പ്രസിഡന്റ് അഡ്വ. മാർട്ടിൻ ജോർജ്ജ് ഉദ്ഘാടനം ചെയ്തു.

ഫെബ്രുവരി 6-ന് കാസർകോട് നിന്ന് ആരംഭിക്കുന്ന യാത്ര മാർച്ച് 6-ന് തിരുവനന്തപുരത്ത് സമാപിക്കും. ‘കേരളത്തെ വീണ്ടെടുക്കാൻ യു.ഡി.എഫ്’ എന്നതാണ് യാത്രയുടെ പ്രധാന പ്രമേയം.

യാത്രയുടെ വഴിത്താര.സംസ്ഥാനത്തെ 14 ജില്ലകളിലൂടെയും കടന്നുപോകുന്ന ജാഥയുടെ പര്യടന വിവരങ്ങൾ താഴെ നൽകുന്നു:

ഫെബ്രുവരി 6: ഉദ്ഘാടനം (കാസർകോട്)

ഫെബ്രുവരി 7: കണ്ണൂർ

ഫെബ്രുവരി 10: വയനാട്

 ഫെബ്രുവരി 11: കോഴിക്കോട്

ഫെബ്രുവരി 13: മലപ്പുറം

ഫെബ്രുവരി 16: പാലക്കാട്

ഫെബ്രുവരി 18: തൃശൂർ

ഫെബ്രുവരി 20, 21: എറണാകുളം (ദ്വിദിന പര്യടനം)

ഫെബ്രുവരി 23: ഇടുക്കി

ഫെബ്രുവരി 25: കോട്ടയം

 ഫെബ്രുവരി 26: ആലപ്പുഴ

 ഫെബ്രുവരി 27: പത്തനംതിട്ട

ഫെബ്രുവരി 28: കൊല്ലം

മാർച്ച് 4, 5: തിരുവനന്തപുരം ജില്ലയിൽ

മാർച്ച് 6: സമാപനം (പുത്തരിക്കണ്ടം മൈതാനി, തിരുവനന്തപുരം)

രാഷ്ട്രീയ ലക്ഷ്യങ്ങൾ:

ഏപ്രിലിൽ നിയമസഭാ തെരഞ്ഞെടുപ്പ് നടക്കാനിരിക്കെ, എല്ലാ മണ്ഡലങ്ങളിലുമെത്തി ജനങ്ങളുമായി നേരിട്ട് സംവദിക്കാനാണ് യു.ഡി.എഫ് നീക്കം. പ്രതിപക്ഷ നേതാവിന് പുറമെ മുന്നണിയിലെ പ്രമുഖ നേതാക്കളെല്ലാം ജാഥയിൽ അണിനിരക്കും. സംസ്ഥാന സർക്കാരിനെതിരായ വിവിധ വിഷയങ്ങൾ ചർച്ചയാക്കാനും വോട്ടർമാരെ നേരിൽ കാണാനും ഈ യാത്രയിലൂടെ യു.ഡി.എഫ് ലക്ഷ്യമിടുന്നു. മാർച്ച് 6-ന് തിരുവനന്തപുരത്ത് നടക്കുന്ന ബഹുജന മഹാസമ്മേളനത്തോടെ ജാഥയ്ക്ക് ഔദ്യോഗിക സമാപനമാകും.

### Related Links & Sources
- [Original Story Source](https://thaliparamba.truevisionnews.com/news/337758/udf-puthuyuga-yatra)