---
title: "പെരുന്തോട്ടം നീലിയാർ ഭഗവതീ ക്ഷേത്ര ആണ്ടുതിറ മഹോത്സവത്തിന് തുടക്കമായി"
english_title: "perunthotta neeliyar temple"
publisher: "thaliparambanews.in"
canonical_url: "https://thaliparamba.truevisionnews.com/news/336583/perunthotta-neeliyar-temple"
published_at: "2026-01-16T09:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6969b84f21efe_Untitled-2-web.jpg"
keywords: []
---

# പെരുന്തോട്ടം നീലിയാർ ഭഗവതീ ക്ഷേത്ര ആണ്ടുതിറ മഹോത്സവത്തിന് തുടക്കമായി

> **Lead Summary:** **കണ്ണപുരം: **മൊട്ടമ്മൽ പെരുന്തോട്ടം നീലിയാർ ഭഗവതീ ക്ഷേത്ര ആണ്ടു തിറ മഹോത്സവം ജനുവരി15 ന് ക്ഷേത്ര പ്രതിഷ്ഠാദിന പൂജകളോടെ തുടക്കം കുറിച്ചു. വ്യാഴാഴ്ച രാത്രി പ്രദേശവാസികളുടെ നൃത്തസന്ധ്യ അരങ്ങേറി.16 ന് നീലിയാർ ഭഗവതിയുടെ പ്രതിഷ്ഠാദിനചടങ്ങുകൾ.

## Article Content

**കണ്ണപുരം: **മൊട്ടമ്മൽ പെരുന്തോട്ടം നീലിയാർ ഭഗവതീ ക്ഷേത്ര ആണ്ടു തിറ മഹോത്സവം ജനുവരി15 ന് ക്ഷേത്ര പ്രതിഷ്ഠാദിന പൂജകളോടെ തുടക്കം കുറിച്ചു. വ്യാഴാഴ്ച രാത്രി പ്രദേശവാസികളുടെ നൃത്തസന്ധ്യ അരങ്ങേറി.16 ന് നീലിയാർ ഭഗവതിയുടെ പ്രതിഷ്ഠാദിനചടങ്ങുകൾ.

വൈകുന്നേരം 4 ന് വടക്കൻസ് കലാ സമിതിയുടെ ശിങ്കാരിമേളത്തിന്റെ അകമ്പടിയോടെ ചെറുകുന്ന് കതിര് വെക്കും തറയിൽ നിന്നും ക്ഷേത്ര സന്നിധിയിലേക്ക് കലവറ നിറയ്ക്കൽ ഘോഷയാത്ര.6.30 ന് ദീപാരാധന.തുടർന്ന് പിലാത്തറ കുന്നുമ്പ്രം ദേശീയ കലാസമിതിയുടെ ഡ്രമാറ്റിക്ക് വിൽ കലാമേള.17ന് ശനിയാഴ്ച വൈകീട്ട് 7 ന് ക്ഷേത്രമാതൃ സമിതി അവതരിപ്പിക്കുന്ന മെഗാ തിരുവാതിര കളി. തുടർന്ന് തായമ്പക,വെള്ളാട്ടം,നിറമാല.

18 ന് ഞായറാഴ്ച രാവിലെ മുതൽ ഒഴക്രോം വൈഖരിയുടെ സൗന്ദര്യ ലഹരി,ദേവീമാഹാത്മ്യം പാരായണം.വൈകീട്ട് വെള്ളാട്ടങ്ങൾ.രാത്രി നീലിയാർ ഭഗവതി,കുട്ടിത്തെയ്യം പുറപ്പാട്.19 ന് തിങ്കളാഴ്ച പുലർച്ചേ ഉഗ്രമൂർത്തി പുള്ളിവേട്ടക്കൊരുമകൻ,ഊർപ്പഴശ്ശി,വേട്ടക്കൊരുമകൻ തിറകൾ.രാവിലെ നാഗ പൂജ, ഉച്ചയ്ക്ക് 2 മണിക്ക് പുള്ളിവേട്ടക്കൊരുമകൻ പ്ലാവില തിരുമുടിയോടെ കളിയാട്ടം സമാപിക്കും.

ഞായറാഴ്ച രാത്രിയും തിങ്കളാഴ്ച ഉച്ചയ്ക്കും പ്രസാദ സദ്യ ഉണ്ടാകും. ഓലച്ചൂട്ട് ഇവിടുത്തെ പ്രധാന വഴിപാടുകളിലൊന്നാണ്. എല്ലാ സംക്രമ ദിവസങ്ങളിലും നീലിയാർ ഭഗവതി തിറ കെട്ടിയാടിക്കുന്ന ഉത്തര മലബാറിലെ അത്യപൂർവ്വം ക്ഷേത്രങ്ങളിലൊന്നാണിത്.

### Related Links & Sources
- [Original Story Source](https://thaliparamba.truevisionnews.com/news/336583/perunthotta-neeliyar-temple)