---
title: "13 വയസ്സുകാരിയെ പീഡിപ്പിച്ചു: പയ്യന്നൂരിലെ ട്യൂഷൻ അധ്യാപകനെതിരെ പോക്സോ കേസ്"
english_title: "pocso case against tuition master"
publisher: "thaliparambanews.in"
canonical_url: "https://thaliparamba.truevisionnews.com/news/32114/pocso-case-against-tuition-master"
published_at: "2022-03-16T15:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6231b3448c573_Untitled-2 web-Recovered.jpg"
keywords: []
---

# 13 വയസ്സുകാരിയെ പീഡിപ്പിച്ചു: പയ്യന്നൂരിലെ ട്യൂഷൻ അധ്യാപകനെതിരെ പോക്സോ കേസ്

> **Lead Summary:** പയ്യന്നൂര്‍: ട്യൂഷന്‍ സെന്ററില്‍ പഠനത്തിനെത്തിയ 13കാരിയെ അധ്യാപകന്‍ പീഡനത്തിനിരയാക്കി. കുട്ടിയുടെ മൊഴിയുടെ അടിസ്ഥാനത്തില്‍ അധ്യാപകനെതിരേ പോക്‌സോ ചുമത്തി. സംഭവം അറിഞ്ഞതോടെ അധ്യാപകന്‍ ഒളിവില്‍ പോയിരിക്കുകയാണ്. പയ്യന്നൂര്‍ കേളോത്തെ വീട്ടില്‍ വച്ച് നടത്തുന്ന ട്യൂഷന്‍ സെന്ററില്‍ വച്ചാണ് ട്യൂഷന്‍ അധ്യാപകനായ മനോജ് കല്ലേത്ത് ആണ് കുട്ടിക്കെതിരേ ലൈംഗീക അതിക്രമം നടത്തിയത്.

## Article Content

പയ്യന്നൂര്‍: ട്യൂഷന്‍ സെന്ററില്‍ പഠനത്തിനെത്തിയ 13കാരിയെ അധ്യാപകന്‍ പീഡനത്തിനിരയാക്കി. കുട്ടിയുടെ മൊഴിയുടെ അടിസ്ഥാനത്തില്‍ അധ്യാപകനെതിരേ പോക്‌സോ ചുമത്തി. സംഭവം അറിഞ്ഞതോടെ അധ്യാപകന്‍ ഒളിവില്‍ പോയിരിക്കുകയാണ്. പയ്യന്നൂര്‍ കേളോത്തെ വീട്ടില്‍ വച്ച് നടത്തുന്ന ട്യൂഷന്‍ സെന്ററില്‍ വച്ചാണ് ട്യൂഷന്‍ അധ്യാപകനായ മനോജ് കല്ലേത്ത് ആണ് കുട്ടിക്കെതിരേ ലൈംഗീക അതിക്രമം നടത്തിയത്.

ഇക്കഴിഞ്ഞ ജനുവരിയിലാണ് കേസിനാസ്പദമായ സംഭവം. മുപ്പതാം തീയതി ട്യൂഷന്‍ സെന്ററിലെത്തിയ വിദ്യാര്‍ഥിയെ ഇയാള്‍ സമീപത്തെ മുറിയിലേക്ക് വലിച്ചു കൊണ്ടുപോയി ബലാത്സംഗത്തിന് മുതിരുകയുമായിരുന്നെന്നാണ് പരാതി. നേരത്തെ സോഷ്യല്‍ മീഡിയ വഴി പെണ്‍കുട്ടിയുമായി ചാറ്റ് ചെയ്യുകയും നഗ്‌ന ഫോട്ടോ അയച്ച് കൊടുക്കാന്‍ ആവശ്യപ്പെട്ടതായും പരാതിയുണ്ട്.

നിരന്തരം ലൈംഗീകാതിക്രമം തുടര്‍ന്നതോടെയാണ് പെണ്‍കുട്ടി വീട്ടുകാരോട് വിവരം പറഞ്ഞത്. തുടര്‍ന്നാണ് പയ്യന്നൂര്‍ പോലീസില്‍ പരാതി നല്‍കിയത്.

പെണ്‍കുട്ടിയുടെ മൊഴി രേഖപ്പെടുത്തിയ പോലീസ് അധ്യാപകനെതിരേ പോക്‌സോ നിയമപ്രകാരം കേസെടുക്കുകയും അന്വേഷണം നടത്തുകയും ചെയ്തു. ഒളിവില്‍ പോയ പ്രതിക്കായി അന്വേഷണം ഊര്‍ജിതമാക്കിയതായി സ്റ്റേഷന്‍ പോലീസ് ഇന്‍സ്‌പെക്ടര്‍ മഹേഷ് കെ.നായര്‍ പറഞ്ഞു.

### Related Links & Sources
- [Original Story Source](https://thaliparamba.truevisionnews.com/news/32114/pocso-case-against-tuition-master)