---
title: "നവജാതശിശുവിന് ഇഞ്ചക്ഷൻ മാറി നൽകിയതായി പരാതി"
english_title: "vaccination "
publisher: "thaliparambanews.in"
canonical_url: "https://thaliparamba.truevisionnews.com/news/27623/vaccination"
published_at: "2022-02-21T19:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/62139bfc74ffe_5ddb413a-4a16-4fea-8510-c39871b22d11.jpg"
keywords: []
---

# നവജാതശിശുവിന് ഇഞ്ചക്ഷൻ മാറി നൽകിയതായി പരാതി

> **Lead Summary:** **ആലക്കോട്: **നവജാത ശിശുവിന് ഇഞ്ചക്ഷന്‍ മാറി നല്‍കിയ ആലക്കോട് തേര്‍ത്തല്ലി പിഎച്ച്സിയിലെ ആരോഗ്യ പ്രവര്‍ത്തകര്‍ക്കെതിരേ നടപടിയെടുക്കണമെന്ന് കുട്ടിയുടെ മുത്തച്ഛന്‍ രാമചന്ദ്രന്‍ ആവശ്യപ്പെട്ടു.

## Article Content

**ആലക്കോട്: **നവജാത ശിശുവിന് ഇഞ്ചക്ഷന്‍ മാറി നല്‍കിയ ആലക്കോട് തേര്‍ത്തല്ലി പിഎച്ച്സിയിലെ ആരോഗ്യ പ്രവര്‍ത്തകര്‍ക്കെതിരേ നടപടിയെടുക്കണമെന്ന് കുട്ടിയുടെ മുത്തച്ഛന്‍ രാമചന്ദ്രന്‍ ആവശ്യപ്പെട്ടു.

ഫെബ്രുവരി 11നാണ് നവജാത ശിശുവിന് ബിസിജി നല്‍കുന്നതിന് ആലക്കോട് സഹകരണ ആശുപത്രിയില്‍ തേര്‍ത്തല്ലി പിഎച്ച്സി ആരോഗ്യ പ്രവര്‍ത്തകര്‍ക്ക് മുന്‍പാകെ പോയത്. അവര്‍ കുട്ടിക്ക് ബി.സി.ജി നല്‍കാതെ ജനിച്ച് 45 ദിവസം കഴിഞ്ഞ് മാത്രം നല്‍കേണ്ട പെന്റവാലന്റ് വാക്‌സിന്‍ ഒപിവി നല്‍കുകയായിരുന്നു.

ആ സമയം ജനിച്ച് 21 ദിവസം മാത്രമേ കുട്ടിക്കായിരുന്നുള്ളൂ. പെന്റ വാലന്റ് മരുന്ന് നല്‍കിയത് കാരണം കുട്ടി അപ്പോള്‍ തന്നെ ബോധം നഷ്ടപ്പെട്ട നിലയിലായി. കുത്തിവയ്പ്പ് നടത്തിയ ശേഷമാണ് തങ്ങളോട്‌ കുട്ടിയുടെ പ്രായം ചോദിച്ചതും മരുന്ന് മാറി നല്‍കിയത് അറിയുന്നതും.

സംഭവിച്ച തെറ്റില്‍ ക്ഷമ പോലും പറയാതെ കുട്ടിയുടെ അമ്മയേയും കൂടെയുണ്ടായിരുന്നവരെയും പരിഹസിക്കുകയായിരുന്നുവെന്നും ബന്ധുക്കള്‍ ആരോപിക്കുന്നു. മൂന്നു ദിവസം കഴിഞ്ഞാണ് കുഞ്ഞ് സാധാരണ നിലയിലേക്കെത്തിയത്.

മരുന്ന് മാറി നല്‍കിയ കാരണം കൊണ്ട് ഭാവിയില്‍ കുട്ടിക്കുണ്ടാകുന്ന ആരോഗ്യ പ്രശ്‌നങ്ങള്‍ക്ക് ജീവനക്കാരും ഇവരെ നിയോഗിച്ച മേലധികാരികളും ഉത്തരവാദികളായിരിക്കും. ഇവര്‍ക്കെതിരെ നടപടിയെടുക്കണമെന്ന് ആവശ്യപ്പെട്ട് മുഖ്യമന്ത്രി, ആരോഗ്യ മന്ത്രിക്കും ഉള്‍പ്പെടെ പരാതി നല്‍കിയതായും മുത്തച്ഛന്‍ എം.രാമചന്ദ്രന്‍ അറിയിച്ചു.

### Related Links & Sources
- [Original Story Source](https://thaliparamba.truevisionnews.com/news/27623/vaccination)