---
title: " പയ്യാമ്പലത്ത്‌ കോർപ്പറേഷൻ ആരോഗ്യ വിഭാഗത്തിന്റെ മിന്നൽ പരിശോധന; നിരവധി തട്ടുകടകളിൽ നിന്ന് പഴകിയ ഭക്ഷണങ്ങൾ പിടികൂടി"
english_title: " inspection"
publisher: "thaliparambanews.in"
canonical_url: "https://thaliparamba.truevisionnews.com/news/272204/inspection"
published_at: "2025-02-22T21:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67b9fa0aaf186_Untitled-2-web.jpg"
keywords: []
---

#  പയ്യാമ്പലത്ത്‌ കോർപ്പറേഷൻ ആരോഗ്യ വിഭാഗത്തിന്റെ മിന്നൽ പരിശോധന; നിരവധി തട്ടുകടകളിൽ നിന്ന് പഴകിയ ഭക്ഷണങ്ങൾ പിടികൂടി

> **Lead Summary:** കണ്ണൂർ പയ്യാമ്പലത്ത്‌ കോർപ്പറേഷൻ ആരോഗ്യ വിഭാഗത്തിന്റെ മിന്നൽ പരിശോധന. നിരവധി തട്ടുകടകളിൽ നിന്ന് പഴകിയ ഭക്ഷണങ്ങൾ പിടികൂടി. ഭക്ഷ്യ യോഗ്യമല്ലാത്ത എണ്ണ കടികൾ അടക്കം ഐസ് ഇട്ട് സൂക്ഷിച്ച നിലയിലായിരുന്നു കണ്ടെത്തിയത്. പയ്യാമ്പലത്ത്‌ എത്തുന്ന നിരവധി സഞ്ചരികൾ വൈകുന്നേരം ചായ കുടിക്കാൻ ആശ്രയിക്കുന്ന തട്ടുകടകൾ. റീൽസുകളിൽ കാണുന്ന പോലെയല്ല പല തട്ടുകടകളിടെയും അവസ്ഥ.

## Article Content

കണ്ണൂർ പയ്യാമ്പലത്ത്‌ കോർപ്പറേഷൻ ആരോഗ്യ വിഭാഗത്തിന്റെ മിന്നൽ പരിശോധന. നിരവധി തട്ടുകടകളിൽ നിന്ന് പഴകിയ ഭക്ഷണങ്ങൾ പിടികൂടി. ഭക്ഷ്യ യോഗ്യമല്ലാത്ത എണ്ണ കടികൾ അടക്കം ഐസ് ഇട്ട് സൂക്ഷിച്ച നിലയിലായിരുന്നു കണ്ടെത്തിയത്. പയ്യാമ്പലത്ത്‌ എത്തുന്ന നിരവധി സഞ്ചരികൾ വൈകുന്നേരം ചായ കുടിക്കാൻ ആശ്രയിക്കുന്ന തട്ടുകടകൾ. റീൽസുകളിൽ കാണുന്ന പോലെയല്ല പല തട്ടുകടകളിടെയും അവസ്ഥ.

തട്ടുകടകളിൽ പലയിടത്തും വൈദ്യുതിയില്ല. പഴകിയ ഭക്ഷണസാധനങ്ങൾ സൂക്ഷിച്ചത് ഐസ് ക്യൂബ് നിറച്ച പഴയ ഫ്രിഡ്ജിൽ. ആക്രിക്കടയിൽ നിന്ന് വാങ്ങിയ ഉപയോഗശൂന്യമായ ഫ്രിഡ്ജിൽ ഐസ് ക്യൂബ് ഇട്ടാണ് ഭക്ഷണപദാർത്ഥങ്ങൾ സൂക്ഷിച്ചിരുന്നത്. പലയിടത്തും വൃത്തിഹീനമായ അന്തരീക്ഷം ആയിരുന്നു എന്ന് ആരോഗ്യ വകുപ്പ് അധികൃതർ പറഞ്ഞു.ബാക്കി വരുന്ന എണ്ണക്കടികൾ ഉൾപ്പെടെയുള്ളവർ അടുത്ത ദിവസം ഉപയോഗിക്കുന്നത് ഈ രീതിയിൽ ആണെന്ന് കണ്ടെത്തി.

കോർപ്പറേഷൻ ആരോഗ്യ സ്റ്റാൻഡിങ് കമ്മിറ്റി ചെയർമാൻ എം പി രാജേഷിന്റെ നിർദേശ പ്രകാരമായിരുന്നു പരിശോധന. പള്ളിക്കുന്ന് സോണൽ സീനിയർ പബ്ലിക് ഹെൽത് ഇൻസ്‌പെക്ടർ രാധാമണി, ഹംസ, ജയമോഹൻ എന്നിവരുടെ നേതൃത്വത്തിൽ ആയിരുന്നു പരിശോധന.

### Related Links & Sources
- [Original Story Source](https://thaliparamba.truevisionnews.com/news/272204/inspection)