ആന്തൂർ നഗരസഭ പീലേരി വയൽ കുളം നാടിന് സമർപ്പിച്ചു

ബക്കളം: ആന്തൂർ നഗരസഭയിലെ 7ാം വാർഡിൽ പീലേരി പാടശേഖരത്തിലെ പച്ചക്കറി കൃഷിക്കുവേണ്ടി പിഎംകെഎസ് വൈ പദ്ധതിയിൽ ഉൾപ്പെടുത്തി മണ്ണ് പര്യവേക്ഷണ മണ്ണ് സംരക്ഷണ വകുപ്പ് പൂർത്തീകരിച്ച് ആന്തൂർ നഗരസഭക്ക് കൈമാറിയ പീലേരി വയൽ കുളം, പാടശേഖര പച്ചക്കറി കൃഷിക്കുള്ള ജലസേചന സംവിധാനം എന്നിവയുടെ ഔപചാരിക ഉൽഘാടനം നഗരസഭ ചെയർമാൻ പി.മുകുന്ദൻ പിലേരി വയൽ കുളം പരിസരത്ത് നിർവ്വഹിച്ചു.

36 ലക്ഷം രൂപ പദ്ധതി ചിലവിലാണ് പുതിയ കുളവും ജലസേചന പദ്ധതിയും നിർമ്മിച്ചത്.ഉപാധ്യക്ഷ വി. സതീദേവിയുടെ അധ്യക്ഷതയിൽ നടന്ന ചടങ്ങിന് വാർഡ് കൗൺസിലർ പി.പി.മുരളി സ്വാഗതവും പാടശേഖരക്കമ്മറ്റി പ്രതിനിധി കെ. മോഹനൻ നന്ദിയും പറഞ്ഞു.

Also read: കണ്ണൂരിൽ പേവിഷബാധ ലക്ഷണങ്ങളോടെ ചികിത്സയിലായിരുന്ന അഞ്ച് വയസ്സുകാരൻ മരിച്ചു

സ്ഥിരം സമിതി അധ്യക്ഷന്മാരായ കെ.വി.പ്രേമരാജൻ, ഓമന മുരളീധരൻ, കെ.പി.ഉണ്ണികൃഷ്ണൻ, കൗൺസിലർ ടി.കെ.വി. നാരായണൻ,വിവിധ രാഷ്ട്രീയ പാർട്ടി പ്രതിനിധികളായ പി.വിനോദ് (സി പി എം) വത്സൻ കടമ്പേരി ( കോൺ. ഐ) വി.വി. രാജേഷ് (സി.പി.ഐ) വാർഡ് വികസന സമിതി അധ്യക്ഷൻ ഷാജു കെ, സെക്രട്ടരി പി.എൻ.അനീഷ്, കൃഷി ഓഫീസർ രാമകൃഷ്ണൻ എന്നിവർ ആശംസയർപ്പിച്ച് സംസാരിച്ചു.മണ്ണ് സംരക്ഷണ വകുപ്പ് ഓവർസിയർ അനിരുദ്ധൻ റിപ്പോർട്ട് അവതരിപ്പിച്ചു.

peeleri vayal